BNA-nın Bakıda SÜRÜCÜ OVU...
16-02-2022, 09:15
Sürücü Elnur Quliyev BNA-nın ona yazdığı "dayanma-durma qadağandır" - 2078366 protokollu cəriməsindən narazıdır. DİA.AZ bildirir ki, bu barədə müraciət edən vətəndaşın iddiasına görə, həmin nişanın orada qoyulmasının qeyri-qanuni olması üzə çıxıb və cərimə yazılandan sonra nişan oradan götürülüb. Söhbət Həsən Seyidbəyli küçəsi 14 ünvanında qoyulan nişandan gedir. Sürücünün iddiasına görə, orada sol tərəfdə "dayanma-durma qadağandır" nişanı qoyulub və nişandan cəmi 20-30 metr qabaqda yol ayrıcıları mövcüddur. Sürücünün maşını saxladığı ərazi isə nişandan 100-150 metr irəlidir.
Sözügedən ərazidə avtomobilini saxlayan çoxsaylı sürücü ilə söhbət zamanı onların da bu absurd qərardan narazı olduqları üzə çıxıb. BNA-nın bu duruma aydınlıq gətirəcəyinə ümid edirik.
DİA.AZ qeyd edir ki, ümumiyyətlə, Bakı Nəqliyyat Agentliyi tərəfindən ölkə paytaxtında bu kimi süni problemlər bir neçə ünvanda təkrarlanıb. Bu haqda da yerli KİV-də davamlı xəbərlər verilib və hətta bir neçə dəfə Dövlət Yol Polisi BNA-nın məhz cərimə yaza bilməsi üçün qoyulmuş saxta qadağa nişanlarını ləğv etməli olub.
Görünəni odur ki, Vüsal Kərimov bir rəhbər olaraq BNA-ya bir biznes qurumu kimi, yol nişanlarına isə şəxsi qazanc yeri kimi baxdığından bu üsullardan istifadə edir. Əks halda onun belə addımları atmaqda nə marağı ola bilər ki?
İddia olunanlarla bağlı dia-az.life olaraq qarşı tərəfi də dinləməyə hazırıq...
Geri qayıt