“Röyaya indi də “çuşka” deyirik...”
20-02-2016, 10:07
Müğənni Natavan Həbibi əməkdar artist Röya Ayxanın keçmiş “W-trio”çular barədə səsləndirdiyi fikirlərə münasibət bildirib.
“Qafqazinfo”nun məlumatına görə, sənətçi “5/5” verilişində məsələyə aydınlıq gətirib.
Natavan qeyd edib ki, onlar Röyaya indi də “çuşka” deyirlər:
“Elə indi də ona elə deyirik. Nəbilim, məntiqi başa düşmədim. Bəzəyib danışırlar. Demişiksə də, əcəb etmişik. Bizim aramızda o qədər zarafatlarımız olub ki, hamısını bir-bir açıqlasaq... Həmişə hamı yüksəkdə olsun. Biz bir-birimiz üçün heç vaxt ulduz ola bilmərik, bir yerdə böyüyən uşaqlarıq. Çox güldüm. Hamımız bir-birzmizə çox şeylər deyirdik. Ona isə lap çox söz deyirdik. Dünəndən o günlər çox yadıma düşüb. İndi bir-birimizi görmürük, hərənin öz işi, ətrafı var”.
Xatırladaq ki, Röya Elnarə və Natavanın ona həmişə “çuşka” dediyini bildirmişdi:
“Həmişə “W-trio” vaxtı qızlar məni "prikol"a tuturdular. İngilis dilini bilmirdim, deyirdilər “çuşka”san, sən pul qazanmaq üçün toyxanalarda oxuyacaqsan. Deyirdilər ki, Aşıq olacaqsan... (gülür) O vaxtlar həmişə evə pul aparmağa çalışırdım. Bu çox gözəl stimul idi. İndi onlar inciməsinlər, hər şey dəyişdi. Elnarənin, Natavanın geyimlərinə baxıram, deyirəm ay… İngilis dilini bilməklə deyil ki?”
Geri qayıt