Aygün Kazımova küsülü olduğu müğənni ilə barışdı
10-03-2014, 11:17
Xalq artisti Aygün Kazımova küsülü olduğu əməkdar artist Abbas Bağırovla barışıb.
Axşam.az-ın “Onlar” verilişinə istinadən məlumatına görə, cütlüyün barışığı 8 Mart günü 106.3 FM-də yayımlanan “Muleyli” şousunda baş tutub. A.Bağırov Aygün Kazımovanın qonaq olduğu canlı efirə telefonla bağlanaraq onun ünvanına xoş sözlər bildirib:
“Aygün xanımın gördüyü işləri sözlə demək olmur. Onu hamı görür, işlərinə bələddir. Onu tərifləməyəcəyəm. Mənim sizə qarşı bir simpatiyam olub. Estradada sayılıb-seçilən, zövqlü xanımlardansan”.
A.Kazımova isə ona cavab olaraq bunları deyib:
“Aramızda elə böyük buzlar yox idi. Sadəcə, insanın sevdiyi biri ilə arasında kiçik anlaşmazlıqlar mənfi təsir edir. Qəlbimizdə kin yoxdur, arada gəzən söz-söhbətlərdir. Hər zaman sevən, bərabər olan insanlar arasında belə şeylər olur. Gözəl gündə bu da çözüldü”.
Geri qayıt