İradə Günaya əsəbiləşib: "Özündən böyüyə..."
20-04-2015, 11:20
Müğənni İradə İbrahimova həmkarı Günay İbrahimli ilə münasibətinə aydınlıq gətirib.
Axşam.az-ın məlumatına görə, sənətçi “Onlar” verilişinə açıqlamasında onun ünvanına təriflər yağdırıb:
“Çox yaxşı qızdır. Gözəl səsi və sənəti var. Mənə bənzərliyi ola bilər: qaş, göz, davranış. Biz də sənətə gələndə özümüzdən böyüklərə baxıb, onlardan nəsə götürmüşük. Sonra isə hər kəs öz yolunu tapır. Günay da öz yolunu tapıb. Sevənləri var. Onu həqiqətən tanımırdım. Bakıya gələndə tanış olduq. Bir dəfə İnstaqramda fotosun paylaşıb, yazmışdı: “Burada sənə oxşayıram”. Günayın bu hərəkətinə əsəbiləşmişdim ki, özündən böyüyə və tanımadığın birinə “sən” yox, “siz” deməlisən. Ona cavab yazdım: “Siz məndən də gözəlsiniz”. Sonra bu haqda ona heç nə demədim”.
İ.İbrahimova “İradə getdi, Günay onun yerinə gəldi” sözlərinə də münasibət bildirib:
“Heç kim kiminsə yerinə gələ bilməz. Mən göstərdim ki, yerimi tutmaq olmaz. Hər kəsin öz sevəni var”.
Geri qayıt