“Neftqaztikinti” Trestini kim idarə edir?
16-04-2019, 09:48
Bu yazı məqalədən daha çox bir müracıətdir. Bu yazı Azərbaycan Respublikasının Baş Prokuroru Zakir Qaralovun, Daxılı İşlər Naziri Ramil Usubovun, Azərbaycan Respublikası Təhsil Nazirinin, Azərbaycan Respublikası Dövlət Neft Şirkətinin Prezidenti Rövnəq Abdullayevin, Əmək və Əhalinin Sosial Müdafıəsi Nazırliyi yanında Dövlət Əmək Müfəttişliyi Xidmətinin, Maliyyə Nazırliyi Dövlət Maliyyə Nəzarəti Xidmətinin, Respublika Hesablama Palatasının, Dövlət İmtahan Mərkəzi sədrinin, Neftçilərin Hüquqlarının Müdafəsi Təşkilatı İctimai Birliyinin sədri Mirvari Qəhrəmanlının, Azərbaycan Həmkarlar İttifaqları Konfederasıyası Neft və Qaz Sənayesi İşçiləri Həmkarlar İttifaqı Respublika Komitəsi rəhbərlərinin nəzərinə çatdırılması üçündür. Çox istərdik ki, yuxarıda adlarını çəkdiyimiz səlahiyyətli qurumlar bu yazıda göstərdiklərimiz qanun pozuntulurana münasıbət bildirsinlər, tədbir görsünlər.
Aktualinfo.org onlayn qəzet redaksiyası ötən ay “Nefqaztikintinti” Trestində baş verən bəzi qanunsuzluqlar barədə “Mirkazım Abasov “Neftqaztikinti” Trestini kimlərin əli ilə idarə edir?” başlıql məqalə yaymış və araşdırmalardan sonra mövzuya bir daha qaylıdacağı barədə məlumat vermişdi. Araşdırmalara keçməzdən öncə qeyd etmək istərdik ki, “Neftqaztikinti” Trestində bir sıra qanun pozuntularına yol verilməsi barədə məlumatlar almışdıq.Bu məlumatların içində diqqət çəkən bir məqamın daha maraqlı olduğunu nəzərə alaraq araşdırmalara başladıq.
Apardığımız araşdırmaların ilkin nəticəsi olaraq sözügedən trestin insan resursları şöbəsinin müdiri çalışan Sevinc Mollayevanın barəsində əldə etdiyimiz ilginc məlumatları oxucuların diqüqətinə çatdırmaq istəyirik. Ötən yazıda da qeyd etdiyimiz kimi Sevinc Mollayeva uzun müddətdir adıçəkilən tresdə çalışır. Amma onun 2009 -cu ildən sonrakı fəaliyyətinin qanunsuz tərəfləri çox maraqlıdır. Qeyd edək ki, məhz 2009 cu ildən Sevinc Mollayeva “Neftqaztikinti” trestində əvvəlcə kadrlar şöbəsinin müdiri, daha sonra isə insan resursları şöbəsinə rəhbərlik edir. Əldə etdiyimiz məlumatlara görə Sevinc Mollayeva bu illər ərzində saxta yollarla əldə etdiyi diplomla dövlətdən maaş alıb. Belə ki, Sevinc Mollayeva idarədə çalışdığı müddət ərzində heç bir təhsil məzuniyyətinə çıxmadan 11 sentyabr 2014 -cüil tarıxdə Prezident İlham Əliyevin sərəncamı ilə ləğv edilmiş Azərbaycan Müəllimlər İnstitutunun Gəncə filialında İbtidai Təhsilin Pedaqogikası və Metodikassı fakültəsində 2004-2008-ci illərdə qiyabı təhsil alması barədə yalan məlumat vermiş, saxta diplomla əmək fəaliyyətinin davam etdirmişdir. Bu kimi qanunsuzluğa idarədə nə üçün göz yumulmuşdur? Əvvəla onu xüsusi ilə vurğulamaq istərdik ki, həmin dövrdə, yəni 2004-2008 ci illərdə Trestin hazırki müdiri Mirkazım Abasov baş mühəndis olmuşdur. Bir baş mühəndis kimi Mirkazım Abasovun kadrlar şöbəsində çalışan Sevinc Mollayevanın il ərzində iki dəfə azı bir ay müddətinə təhsil məzuniyyətinə çıxması barədə məlumatı olmalı idi. Bu gün o, Sevinc Mollayevanın təhsil məzuniyyətinə getməsi barədə əmrdən bir çıxarış verə bilərmi? Təbii ki, yox. Çünki Sevinc Mollayeva həmin təhsil müəssisəsində nə dərslərə gedib, nə imtahan sessiyalarında iştirak edib və nə də dövlət imtahanı verərək diplom almayıb. Bəs təhsil məzuniyyətinə dörd ildə bir dəfə belə getməyən, daim işdə olan Sevinc Mollayevanın bu diplomu haradan əldə etməsi görəsən Mirkazım Abasovu heç maraqlandırmayıbmı? Qeyd edək ki, “Neftqaztikinti” Trestində 5000-dən çox insan çalışır. Onların əksəriyyəti də min bir əziyyətlərə qatlaşaraq ali təhsil almış mütəxəsislərdir. Bu qədər ali təhsilli mütəxəsisin başında bir saxta diplomlunun oturdulması nə dərəcədə qanuni və ya məntiqə uyğundur.
Yuxarıda qeyd etdiyimiz kimi Azərbaycan Müəllimlər İnstitutu Gəncə filialının fəaliyyəti Prezident İlham Əliyevin sərəncamı ilə 11 sentyabr 2014-cü ildə dayandırılmış, cənab prezidentin digər, 26 noyabr 2015 -ci il tarıxli sərəncamı ilə, Azərbaycan Müəllimlər İnstitutunun filialları ilə birgə Azərbaycan Dövlət Pedaqoji Universitetinə birləşdirlmişdir. Aktualinfo.org onlayn qəzet redaksiyasının verdiyi sörguya əsasən Azərbaycan Dövlət Pedaqoji Universitetindən redaksiyamıza verilən cavab məktubunda Sevinc Mollayevaya məxsus diplom nömrəsinin Müəllimlər İnstitutunun Gəncə filialının arxıvındə aşkar olunmadığı bildirilir. Qeyd edək ki, filialın direktoru olmuş R.Məmmədovun 2000-ci ildən Müəllimlər İnustutunun Gəncə filialının saxta diplomlarını satması barədə məılumatlar bu gün də aktual mövzülardandır və aldadılmış vətəndaşların məhkəmə çəkişmələri hələ də davam etməkdədir. 2013-cü ildə Təhsil Nazirliyinin yoxlaması nəticəsində işdən azad olunduqdan sonra məlum olmuşdur ki, R.Məmmədov bağlanan təhsil müəssisəsində təhsil almayan, jurnal və əmr kitablarında adı qeyd olunmayan yüzlərlə şəxslərin adına yazılmış diplom verib.
Belə olan halda Sevinc Mollayeva hansı əsaslarla artıq on ildir ki “Neftqaztikinti” Trestində rəhbər vəzifədə çalışmağa davam edir.? Onu xüsusilə vurğulamaq istərdik ki, Aktualinfo.org artıq bu barədə Azərbaycan Respublikası Dövlət Neft Şirkəti Kadr, Rejim və İnformasıya Texnologiyaları üzrə vitse-prezident Xalik Məmmədovu məlumatlandıraraq Sevinc Mollayevanın diplomunun araşdırılaraq barəsində ölçü götürülməsi barədə məktub yazmışdır. Sevinc Mollayevanın dövlətdən mənimsədiyi pullara kim cavab verməlidir? Hansısa yollarla diplom əldə etmiş Sevinc Mollayeva həm də ali təhsili öz biliyi ilə əldə edən digər vətəndaşın da haqqını pozmurmu Xalik Məmmədov? Məlumat üçün xüsusilə vurğulamaq istirdək ki, “Neftqaztikinti”Trestinin İnsan resursları şöbəsinin müdiri rəhbər vəzifə hesab edilir. Bu rəhbər vəzifənin aylıq əmməkhaqqı isə 2000 manat cıvarındadır. üstəlik maaşdan əlavə paket də verilir. 2009 cu ildən bu vəzifədə çalışan Sevinc Mollayeva dövlət budcəsindən 300 min manatdan çox vəsaiti saxta diplomla mənimsəyib. Bu qanunsuluğa hüquqi qiyməti təbii ki, hüquq -mühafizə orqanları, maliyyə nəzarəti idarələri verməlidir.
Qeyd etmək istərdik ki, 2014 -cü ildə Azərbaycan Müəllimlər İnstitutunun adı bir sıra qalmaqallı məsələlərdə hallanması barədə dövrü mətbuatda silsilə yazıların dərc olunmasından sonra hüquq-mühafizə orqanları, xüsusən də Baş Prokurorluq yanında Korrupsiyaya Qarşı Mübarizə Baş İdarəsinin araşdırmalara başlaması bu barədə dolaşan söhbətləri rəsmiləşdirməyə başladı. Azərbaycan Müəllimlər İnstitutunun Gəncə filialında saxta diplom işinin içinə daha çox adamların adı hallanırdı. Baş Prokurorluq yanında Korrupsiyaya Qarşı Mübarizə Baş İdarəsinin Azərbaycan Müəllimlər İnstitutu Gəncə filialında aşkar olunmuş saxta diplomların araşdırılmasəı zamanı Sevinc Mollayevanın da adının hallanması bu işin daha maraqlı tərəfidir. Görəsən Sevinc Mollayevanın adı həmin siyahıdan necə çıxarılıb? Korrupsiyaya Qarşı Mübarizə Baş İdarəsi Sevinc Mollayevanın diplomunun saxta olmasına niyə göz yumub? Bu işdə müdiri Mirkazım Abasovun ona nə kimi köməyi dəyib? Bizi izləyin.
Geri qayıt