DSMF işçiləri ancaq narazılıq yaradır...
10-04-2020, 16:30
DİA.AZ: - "Əmək və Əhalinin Sosial Müdafiəsi Nazirliyinin (ƏƏSMN ) , yanındakı Dövlət Sosial Müdafiə Fondunun (DSMF) dövlətin sosial (müdafiə) siyasətini alver predmetinə çevirməsindən yetərincə yazılsa da, hələ də, “dünya düzəlmir ki, düzəlmir!” Bu “düzəlməmə” də “balığın başdan iyləndiyini” deməyə əsas verir. DSMF-in direktor müavini Əminə Seyidzadənin , sosial xidmətlər şöbəsinin müdiri Vüqar Behbudovun müalicə , mənzil-məişət və digər sosial ehtiyaclarının qarşılanması amacı ilə dövlət büdcəsindən aztəminatlı şəxslərə ayrılan vəsaiti mənimsəmələrinə hüquq mühafizə orqanları hüquqi qiymət verilməsini təmin etmir". Bu barədə DİA.AZ-a göndərilən məqalədə deyilir.
Məqalədə daha sonra bildirilir: "...Ünvanlı sosial yardım verilməsində də yazılı qanun -qaydaya yox , yazılmamış rüşvət, korrupsiya qaydalarına üstünlük verilir. İşsizlik statusuna malik olan Ağsu şəhər sakini, üç körpə uşaqlı beş nəfərlik ailə başçısı Laçın Mehdiyev illərdir ƏƏSMN -in “elektron dələduzluğu” ilə üz-üzədir. 6 ay qabaq göndərilən ünvanlı sosial yardımın təyin olunması barədə ərizəsinə 3 aydan sonra imtina cavabı alıb ki, 6 yaşlı uşağının 2029-cu ilə kimi etibarlı olan şəxsiyyət vəsiqəsinin müddəti bitib! (??) . Sözügedən dələduzluq faktı ilə bağlı basında 2 ay qabaq informasiya yayıldığından, fikrimizcə, geniş danışmağa ehtiyac yoxdur. Sadəcə, uşağın şəxsiyyət vəsiqəsinin etibarlılıq müddətinin bitib -bilməməsi bir yana, “Ünvanlı sosial yardımın alınması üçün müraciət edilməsi , onun təyin olunması, verilməsi və verilməsindən imtina edilməsi qaydaları haqqında” Nazirlər Kabinetinin 05.02.2016 tarixli 37 saylı qərarında (sonuncu dəyişiklik 15.07.2019-cu ildə edilib ) belə “pasport etibarsızlığı”na görə yardımın verilməsindən imtina edilməsi, axı , nəzərdə tutulmayıb! Sözügedən qərarın 6.1 maddəsində sosial yardımın təyin olunmasına , verilməsinə və ödənilməsinə nəzarəti ƏƏSMN-in həyata keçirməsi təsbit olunub. Sözügedən “pasport qadağası” ilə bağlı vəsiqəni verən Daxili İşlər Nazirliyi ƏƏSMN -ə qanunsuzluğa son qoymağı tövsiyə edib, lakin nəzarət etməli olan nazirlik yardıma ehtiyacı olan şəxsi başdan etməyi yanındakı DSMF-in direktor müavini Əminə Seyidzadəyə tapşırıb və təbii ki, qanunsuzluğa son qoymaq əvəzinə “nəzərə almaq xahiş olunub” .
Yardıma ehtiyacı olana isə “nəzərə almaq” yox , yardım almaq gərəkir. Onsuz da illərdir “nəzərə alır” , amma bu “nəzərə almaqla” körpə uşaqlarının qarnını doydurmur. Nə vaxtadək vətəndaşlar sosial yardım yerinə "nəzərə alınacaq"?"
İddia olunanlarla bağlı dia-az.life olaraq qarşı tərəfi də dinləməyə hazırıq...
Geri qayıt