Qarabağ Qazisi Yevlaxda KİMLƏRDƏN ŞİKAYƏTÇİDİR?
18-12-2021, 10:06
DİA.AZ-ın məlumatına görə, Vətən müharibəsi iştirakçısı, Qazi Yusif Ağaməmmədov Füzuli oğlu "Hürriyyət"in redaksiyasına müraciət edərək bildirir ki, Türkiyədə müalicə olunduğu vaxtlarda ona qardaşı Ağaməmmədli Səyyad Füzuli oğlu qulluq edib. Nəticədə həmin ərəfələrdə 11-ci sinifdə təhsil alan qardaşı attestat ala bilməyib. Qarabağ qazisi Yevlax rayon Təhsil şöbəsi ilə dəfələrlə əlaqə saxlayaraq qardaşının attestatının bərpa edilməsini və qardaşının dərsdə olmamasının ona qulluq etməsi ilə bağlı olmasını əsas gətirsə də müraciəti cavabsız qalıb :
"Füzuli, Cəbrayıl, Hadrut və Xocavənddə döyüşlərdə iştirak etmişəm. "Füzulinin, Xocavəndin, Cəbrayılın azad olunmasın görə" və "Cəsur" döyüşçü medalı ilə təltif edilmişəm.
Qardaşım Ağaməmmədli Səyyad Füzuli oğlu Türkiyədə müalicə olunduğum ərəfədə mənə qulluq edib. Həmin vaxtı 11-ci sinifi oxuyurdu. Bu baxımdan imtahana gedə bilməyib. Nəticədə imtahandan kəsilib. Əslində imtahandan kəsilən şagird təkrar eyni sinifi oxumalıdır. Lakin, hərbi xidmətə göndərilir. Mən isə Təhsil Şöbəsi ilə danışanda dedim ki, əgər hərbi xidmətə göndərilirsə attestatını da verin. Lakin, Yevlaxın Təhsil Şöbəsindən attestatı verə bilməyəcəklərini deyirlər".
Yusif Ağamməmədovun digər problemi isə sağlamlığı ilə bağlıdır. Yaşat Fondu onun müalicəsinə 180000 manat xərclədiyinə baxmayaraq, bu onun sağlamlığında heç bir müsbət dönüş nöqtəsi olmayıb. Qazi əməliyyatının İsraildə mümkün olduğunu qeyd edib:
"Digər məsələ isə sağlamlığımla bağlıdır. Sağalıb ayağa qalxmağımı istəyirəm. Aidiyyatı qurumlardan köməklik olunmasını xahiş edirəm. Yaşat Fondu Türkiyədə müalicəmə 180000 manat pul xərcləyib. Lakin, sağlamlığımla bağlı heç bir nəticdə olmayıb. Ayağımdan belimə sinir köçürülməlidir ki, ayağa durub yeriyə bilim. Əməliyyatım İsraildə olmalıdır. Türkiyədə bu əməliyyatı edə bilmədilər".
Geri qayıt