Bütün olanlardan sonra Rusiyanı Qərbin agentinin idarə etmədiyinə necə inanmaq olar?
2-10-2023, 14:00
Uzun müddətdir ki, mən şübhələrə qapılıram: “klubun rəhbəri”, orta səviyyəli kəşfiyyatçı Vladimir Putin Qərb kəşfiyyat xidmətləri tərəfindən əməkdaşlığa cəlb edilibmi? O, ikiqat agent olub? Və buna görə deyilmi ki, Rusiya taxtına yüksəldiyi ilk vaxtdan inanılmaz səylər göstərdi, Rusiyanı tamamilə məhv etmək üçün mümkün olan və hətta mümkün olmayan hər şeyi etdi?
Əvvəlcə Sankt-Peterburq meri Sobçakın yanında işləyir və onunla birlikdə şəhər büdcəsini “doğramaq” və dövlət əmlakını satmaq üçün korrupsiya və fırıldaq sxemlərinə aludə olur, sonra isə onun tərəfdarları ilə birlikdə Sankt-Peterburqda “Ozero” kooperativini yaradır. Nəticədə, Sankt-Peterburqda başlayan hər şeyin və hər kəsin özəlləşdirilməsi sxemi rəvan şəkildə bütün Ana Rusiyanın genişliklərinə yayılır.
Bu versiyada ironiya həmişə olub, əsasən rus liberalları və müxalifətçiləri bu mövzuda zarafat ediblər. Lakin Ukraynadakı müharibə şübhə edənlərə Rusiya Federasiyasının rəhbərinin Qərbin maraqlarına xidmətini tamamilə əsaslandıran bir çox faktlar verdi.
Hər şey həm dövlətin özünə, həm oliqarxlara, həm də yüksək vəzifəli məmurların özünə qarşı irimiqyaslı sanksiyalarla başladı. Avropa Rusiya neftindən və qazından imtina etməyə başladı və buna uyğun olaraq hər kəsin gəlirləri azaldı, beyinlər və pullar ölkəni tərk etməyə başladı, nəticədə iqtisadi böhran, yəqin ki, üfüqdə çöküş də göründü.
Rusiya silahları Ukraynaya daimi axınla daxil olan Qərb silahları ilə müqayisədə öz zəifliyini sübut etdi və “dünyanın ikinci ordusu” sarsıdıcı reputasiya məğlubiyyətinə uğradı.
Və nəhayət, Ukraynaya qarşı müharibə nəinki Rusiyanı diz çökdürdü və Qərb blokunu qorxutmadı və dağıtmadı, həm də NATO-nu həmişəkindən daha güclü və vahid etdi, ABŞ dünya siyasətinə qayıtdı və bu gün dünya gündəmini bir əl ilə idarə etməkdə yenidən təkdir. “Ölməkdə olan NATO” ikinci nəfəs aldı, Rusiyanın sərhədlərində yeni üzvlər yarandı və üzv ölkələr silahlı qüvvələrini modernləşdirir və müdafiə xərclərini artırır.
ABŞ-ın keçmiş dövlət katibi Hillari Klintonun NATO-nun genişlənməsində Rusiya Prezidenti Vladimir Putinin özünün günahkar olduğuna dair son günlərdəki bəyanatı əhəmiyyətlidir. Onun sözlərini “Reuters” agentliyi sitat gətirir.
“Təəssüf ki, Vladimir. Bunu sən özün istədin”, - deyə Klinton rus qoşunlarının Ukraynaya genişmiqyaslı müdaxiləsindən sonra Finlandiya və İsveçin NATO-ya daxil edilməsi istiqamətində atılan sürətli addımlara və 2023-cü ilin aprelində Rusiyanın NATO ilə quru sərhədinin iki dəfə artırılmasına toxunaraq bildirib.
Qarşılıqlı təsir prinsipi kimi tanınan Nyutonun üçüncü qanunu işlədi – təsir əks təsirə səbəb olur. Biz xatırlayırıq ki, Ukraynaya qarşı müharibə başlamazdan iki ay əvvəl Rusiya NATO-dan “əşyalarını toplayaraq” 1997-ci il sərhədlərinə qayıtmağı tələb etmişdi. Görünür, hər şeydən əlavə, Rusiya lideri həm materiya, həm də cəmiyyətin əsas həyat mexanizmlərini bilmir, məktəbdə yaxşı oxumayıb.
Üstəlik, Putin bir millət kimi tanımadığı ukraynalıların birliyinə nail olub, məhz bu xalqın dirçəlişinə, yenidən formalaşmasına töhfə verib. Ukraynanın planlaşdırılmış demilitarizasiyası onun militarizasiyası ilə başa çatdı, indi Ukrayna ordusu Avropada ən böyük və güclüdür, dünyada isə ən müasir, yüksək texnologiyalı silahlarla silahlanıb və yeni modellər gəlməkdə davam edir. Bütün qlobal hərbi sənaye indi Ukraynanın xeyrinə və Rusiyanın əleyhinə işləyir.
Putin Ukraynanı AB və NATO-nun astanasına itələməyi bacardı, bunu Kiyevin özü təkbaşına qısa müddətdə edə bilməzdi.
Onlar deyirlər ki, dağıdıb yenidən qurmaq daha asandır, nəinki təmir edib bərpa etmək. Ukraynanın mülki və sənaye infrastrukturunu dağıdan Putin onların sürətlə bərpası və modernləşdirilməsi üçün şərait yaratdı və Qərbin pulu ilə Ukraynada müasir iqtisadiyyatın qurulmasına yol açdı. Eyni zamanda öz ölkəsinin iqtisadiyyatını və ordusunu darmadağın etməyi bacardı.
Rusiya hazırda iqtisadi azadlıq baxımından Nepal ilə Tanzaniya arasında 104-cü yerdədir - iqtisadiyyat 1980-ci il səviyyəsinə qayıdır və təqaüdçülər üçün mağazalarda vaxtı keçmiş ərzaq məhsulları yerləşdiriləcək xüsusi pulsuz rəflərin olmasını planlaşdırırlar.
Bütün bunlardan sonra Rusiyanı Qərbin agentinin idarə etmədiyinə necə inanmaq olar? //AYNA//
Geri qayıt