2026-cı ildə Rusiyanı nə gözləyir?
15-10-2023, 09:35
"2026-cı ilə qədər Rusiyanın imkanları sıfıra enəcək"
DİA.AZ teleqraf.com-a istinadən xəbər verir ki, bunu Rusiya-Ukrayna müharibəsi veteranı, ehtiyatda olan mayor Aleksey Getman telemarafon zamanı Rusiyanın hücum potensialını şərh edərkən deyib.
O, hesab edir ki, Rusiya Federasiyasında silah istehsalının indiki sürəti və onun Ukrayna Müdafiə Qüvvələri tərəfindən məhv edilməsi onun üçün ağır nəticələrə səbəb olacaq.
"Rusiya hərbi-sənaye kompleksi ildə təxminən 900 ağır texnika istehsal edə bilər. Bu, təxminən 450 tank, 450 zirehli transportyor və piyada döyüş maşınıdır. Onlar istehsalı artıra bilər, lakin əhəmiyyətli dərəcədə deyil. Tutaq ki, 20, 30, 40 tank artıra bilərlər...Amma söhbət Rusiyanın ayda 70 tank, maksimum 100 tank vermək qabiliyyətindən gedir. Və biz ayda orta hesabla 200-250 tank məhv edirik. Yəni istehsal edə bildiklərindən ən azı iki dəfə çoxunu məhv edirik. Yəni 2024-cü ildə hələ də döyüş əməliyyatları apara bilər, 2025-ci ildə – bu artıq problemli olacaq. Amma 2026-cı ilə qədər Rusiyanın belə imkanları tamamilə sıfırlanacaq"- deyə Getman bildirib
Geri qayıt