Tramp Ukrayna ilə bağlı söz verdi
21-01-2024, 09:09
Keçmiş Amerika prezidenti Donald Tramp söz verib ki, payızda keçiriləcək prezident seçkilərində qalib gəlsə Ukraynadakı münaqişənin sülh yolu ilə həllinə nail olacaq.
Teleqraf.com xəbər verir ki, bu barədə yanvarın 20-də Nyu-Hempşirdə tərəfdarları qarşısında çıxış edərkən deyib.
“Mən vəzifəyə başlamazdan əvvəl Rusiya və Ukrayna arasında olan bu dəhşətli müharibəni həll edəcəyəm”,- deyə o, bildirib.
Eyni zamanda, Tramp sülh yolu ilə nizamlanmaya nail olmaq üçün ona nə qədər vaxt lazım olduğunu açıqlamayıb, həmçinin münaqişəni dəqiq necə həll etmək niyyətində olduğunu da söyləməyib.
Keçmiş Amerika lideri bəyan edib ki, yenidən seçilərsə Ukraynadakı münaqişəni 24 saat ərzində həll etmək niyyətindədir.
ABŞ-da növbəti prezident seçkiləri noyabrda keçiriləcək.
Geri qayıt