Qərbdə sakit izlənilən Rusiya terroru: “canavar” onlara da hücum edəcək
11-07-2024, 06:48
“Biz Rusiya dövlətinin terrorçuluğundan danışanda Qərbdə bəziləri etiraz edir ki, müharibə cinayətləri ilə terrorizmi qarışdırmamalıyıq. Amma biz təmiz, ört-basdır edilməmiş terrorizmin şahidiyuik. İyulun 8-də Kiyevdə doğum evinə hücum belə terrorun bariz nümunəsidir”. Bu sözləri ukraynalı politoloq Petr Oleşçuk Rusiya ordusunun iyulun 8-də Kiyevə endirdiyi raket zərbələrinə dünyanın reaksiyasının səviyyəsi ilə bağlı yazdığı analitik məqaləsində qeyd edib.
Ekspert bildirib ki, terrorçunun məqsədi inanılmaz, qeyri-insani cinayətlər törətməklə ictimai şüura təsir etməkdir: “Cinayətlərin qeyri-insani mahiyyəti əvəzedilməz bir atributdur, çünki məqsəd geniş ictimai kütlələri şoka salmaq, onları stupor vəziyyətinə salmaq, reallığı rasional deyil, emosional qiymətləndirməyə məcbur etməkdir. Terror təkcə qəddarlıq deyil. Bu, adi insanı şoka salmalı və iflic etməli olan düşünülmüş, kalibrlənmiş qəddarlıqdır. Sadə insanlara müəyyən zəruri tezislər aşılana bilər. Ancaq əsas şokdur. Bunu Rusiya dövləti də nümayiş etdirir. Terrorizmdən siyasət vasitəsi kimi istifadə edən uzun illər ərzində - həm xarici, həm də daxili - ruslar həqiqətən də bu işdə ustaya çevriliblər. Onlar obyektləri necə müəyyənləşdirməyi, ən ağrılı zərbələri necə vurmağı bilirlər”.
“Niyə məhz Kiyevdəki doğum evi? Hər şey çox sadədir. Uşaqların və xəstə, müdafiəsiz olanlara qarşı sui-qəsd cəhdi, onların öldürülməsi hələ də insani hisslərə sahib olanları şoka salmaqdır. Bu, terror aktının ilk məqsədirir. Rusiya terrorunun özəlliyi ondadır ki, onlar məsuliyyəti öz üzərlərinə götürmürlər. Terrorçular, bir qayda olaraq, bunu əhəmiyyətlərini göstərmək və özlərini xatırlatmaq lazım olduğuna görə edirlər. Ruslara bu lazım deyil. Onsuz da hər kəs onlar haqqında hər şeyi bilir. Buna görə də "bunu törədən biz deyilik" adlı bir sirk başladırlar. Ancaq bu dəfə özlərini “təmizə” çıxarmaq üçün çox səy göstərmədilər. Nə üçün? Çünki hamı hər şeyi başa düşür”, - Oleşçuk məqaləsində vurğulayıb.
Politoloq bildirib ki, Ukrayna Kəşfiyyat Xidməti artıq terror aktına dair bütün mövcud sübutları açıqlayıb: “Doğum evi hava hücumundan müdafiə və elektron müharibə sistemlərinin təsiri olmadan normal fəaliyyət göstərən Rusiyanın havadan buraxılan “Kh-101” qanadlı raketinin köməyi ilə vuruldu. Bunu ilk növbədə, hadisə yerində müstəntiqlər tərəfindən tapılan raketin və onun mühərrikinin fraqmentləri göstərir. Həmçinin “Kh-101” raketinin hücumu dağıntının xarakteri ilə ifadə olunur: xəstəxananın ikimərtəbəli binası tamamilə dağılıb, ətrafdakı binalara ciddi ziyan dəyib. Əgər hava hücumundan müdafiə raketi bir evə dəyərsə, mənzilin bir-iki pəncərəsi sınar. Burada biz güclü raketin birbaşa zərbəsini görürük. Video və fotoşəkillər də kifayət qədərdir. Hər şey göz qabağındadır. Rusların hərəkətlərinin terror xarakterini təsdiqləyən daha bir amil var. Bu dəfəki terror aktı terror aktının təşkilatçıları tərəfindən sinxronlaşdırılmış və açıq şəkildə planlaşdırılan genişmiqyaslı məlumat kampaniyası ilə müşayiət olundu. Bir sıra yerli “fikir liderləri” və “blogerlər” “dəhşətli terror hücumu” səbəbindən ruslarla “dərhal sülh” hekayəsini təbliğ etməyə başladılar. Əslində terror aktı məhz bunun üçün idi. Və burada “xüsusi təlim keçmiş insanlar” sadəcə olaraq tamaşaçılara fikirlərinin hansı istiqamətdə hərəkət etməli olduğunu söyləyirlər”.
“Nəticə? İki ildən artıqdır ki, Ukrayna ABŞ-dan Rusiya dövlətini terrorizmin sponsoru kimi tanımaq istəyərkən, Ağ Ev cavab verdi ki, onlar “məsələni başqa yolla həll edəcəklər” və buna hələ ehtiyac yoxdur. İki il ərzində rus terrorçuları öz bacarıqlarını demək olar ki, mükəmməl səviyyəyə çatdırıblar. Təbii ki, cəzasızlıq burada çox kömək edir. Bəs niyə Kiyevin Qərb tərəfdaşları əmindirlər ki, terror hücumları həmişəlik Ukrayna ərazisi ilə məhdudlaşacaq, NATO ərazisində olmayacaq? Nəzərə alınmalıdır ki, artıq Çexiya və Almaniyada hərbi müəssisələrdə yanğın və təxribatlar qeydə alınıb. Burada mülki əhalinin açıq şəkildə öldürülməsinə cəmi bir addım qalır. Aydındır ki, Qərb tədbir görmədikcə, prosesləri sakitcə izlədikcə, gec-tez Rusiya adlı “canavar” onlara da hücum edəcək. Yoxsa düşünürlər ki, ruslar pomidor və kartof yetişdirmək təcrübəsini mübadilə etmək məqsədilə Şimali Koreya və İranla “əbədi dostluq” müqaviləsi imzalayırlar?”, - deyə analitik sual edir.
Onun sözlərinə görə, bu gün dünyada Rusiyadan yaxşı təşkilatlanmış, zəngin və təcrübəli terrorçu yoxdur: “Onların təcrübəsi və potensialı təkcə Ukrayna ilə məhdudlaşmayacaq. Növbə Avropaya da çatacaq”.
Geri qayıt