"Nusra cəbhəsi" lideri İŞİD-ın "xilafəti"ni batil adlandırdı
14-07-2014, 10:02
"Əl Qaidə"nin Suriya qolu olan "Nusra cəbhəsi"nin lideri Əbu Muhəmməd Colaninin yeni səs yazısı yayılıb
İslamazeri.az-ın "Nusra cəbhəsi"nin portallarına istinadən verdiyi xəbərə görə, "Əl Qaidə"nin Suriya qolu "Nusra cəbhəsi"nin lideri Əbu Muhəmməd Colani İŞİD-ın "xilafət" elanıyla bağlı iki gün əvvəl açıqlama verib.
"Əl Qaidə"nin Suriya qolu "Nusra cəbhəsi"nin lideri Əbu Muhəmməd Colani İsrailin Qəzzaya hücumuna cavab verəcəklərini çıxışının əvəlində bildirsədə, hücum və ya "özünü partlatma" aksiyasının nə vaxt baş verəcəyi və ya ümumiyyətlə yaxın günlərdə hücumun olub-olmaması haqda bilgi verməyib.
O "Nusra"nın Bəşər Əsəd, PKK və İŞİD-lə mübarizə etdiyini və bunun üçün də "mücahid"lərin bir araya gəlməsinin vacibliyini önə çəkib.
"Əl Qaidə"nin Suriya qolu "Nusra cəbhəsi"nin lideri Əbu Muhəmməd Colani Şamda bir əmirlik qurmanın vaxtı gəldiyini və şəriətə zidd bütün şəxsləri "şəriət məhkəməsi"nə çəkəcəkləriylə hədələyib.
"Nusra cəbhəsi"nin lideri Əbu Muhəmməd Colani həmçinin Əbubəkr Bağdadinin "xilafət" elanı və özünü "xəlifə" adlandırmasına da toxunub. O bu xilafətin min dəfə elan edilsə belə batil olduğunu bildirib. "Nusra" lideri bu "xilafətin" "mücahidlər"in qanı üzərində qurulduğunu və əsil əmirliyi "Nusra cəbhəsi" quracağını qeyd edib. "Nusra cəbhəsi" lideri 1.5 milyard dollarlarının da dağıdıldığını, pulun bir hissəsinin İŞİD tərəfindən yox edildiyini önə çəkib.
Geri qayıt