Obama rusların Suriyadakı əməliyyatlarını tənqid etdi
3-10-2015, 09:21
Amerika Birləşmiş Ştatları (ABŞ) prezidenti Barak Obama Rusiya hərbi hava qüvvələrinin Suriyadakı əməliyyatlarını tənqid edib. ANS PRESS-in məlumatına görə, Obama bildirib ki, Moskvanın Suriyada terrorçu qruplaşmalarla rejimə qarşı mübarizə aparan müxalifət qüvvələri arasında fərq qoymaması qəbuledilməzdir. Onun sözlərinə görə, üsyançılar Suriyada münaqişənin danışqlar yolu ilə həllində maraqlıdırlar.
“Əsədin hazırda hakimiyyətdə olmasının səbəbi ona Rusiya və İran tərəfindən dəstək göstərilməsidir. Rusiyanın indi etdikləri, onun keçmiş fəaliyytindən xüsusilə fərqlənmir. Onlar Suriya xalqının əksəriyyəti tərəfindən rədd edilən rejimi gücləndirirlər. Və bunu rejimin uşaqların üzərinə barel bombaları yağdırdığını görə-görə edirlər. Putinin Birləşmiş Millətlər Təşkilatının Baş Assambleyasında çıxışından sonra bizim yaratdığımız 60 ölkəlik koalisiyadan heç kimin onun tərəfinə keçdiyini görmədim. İran və Əsəd hazırda Putinin koalisiyasını təşkil edir. Dünyanın qalan hissəsi isə, bizə qoşulur”.
Rusiya hərbi hava qüvvələrinin hazırda Suriyada hərbi kampaniyası davam edir. Ən son məlumata görə, rus qırıcıları İŞİD qruplaşmasının paytaxtı Raqqa şəhərinə də aviazərbələr endiriblər. Rusiyanın müdafiə nazirliyi əməliyyatları əks etdirən videokadrları yayımlayıb.
Geri qayıt