Ruslan müəllim, işçilər sizin KÖLƏNİZ DEYİL!
12-06-2023, 09:26
DİA.AZ: - "Ölkənin əmək qanunvericiliyini pozub cəzasız qalanlar!!! "Xüsusi immunitentlilər"..." DİA.AZ bildirir ki, bu xitabı növbəti müraciətini təqdim edən tanınmış hüquq-müdafiəçisi, Neftçilərin Hüquqlarını Müdafiə Təşkilatının sədri Mirvari Qəhrəmanlı ünvanlayıb.
M.Qəhrəmanlı rəhbəri olduğu təşkilata edilən növbəti gileyi çatdırıb: "Daxil olan məlumatda deyilir ki, Azəriqaz İB-nin əksər RQİİ-də ölkənin əmək qanunvericiliyinə zidd olaraq , qaz avadanlığının təmiri və istismarı üzrə çilingərlərə onların vəzifə səlahiyyətlərinə aid olmayan əlavə tapşırıqlar verilir.Bu tapşırıqlar öhdəlik xaraterlidir. Bununla bağlı RQİİ Xidmət Sahələrində adı çəkilən işçilərə aylıq plan qoyulur,verinə yetirilmə isə faizlə hesablanır.Planı yerinə yetirməyən işçilər müvafiq təqdimatlar əsasında cəzalanırlar. Bu da bəzən həmin işçilərin işdən azad olunması üçün bir zəmin yaradır. Bəzən təqdimat yazan vəzifə səlahiyyətlərini aşır.
Əlavə olunmuş iki təqdima diqqət yetirin.!
-Ağsu RQİİ Göyçay XS rəis müavini Ruslan Bünyatovun tapşırığı ilə xidmətin satış şöbəsində qeyri-əhali üzrə mühəndis işləyən Şaiq Davudovun 2 çilingər barədə yazdığı təqdimat .
-Ruslan Bünyatov Ağsu RQİİ rəis müavini işlərkən (aprel 2023) Göyçay rayon XS-nin 14 nəfər işçisini cəzalandırmaq üçün Ağsu RQİİ rəisi Osman Behbudova müraciət edib. Səbəb bu işçilərin( qaz avadanlıqlarının istismarı və təmiri üzrə çilingərləri), əhalidən qaz pulu yığımı(onların vəzifə öhdəliklərinə aid olmayan, ) üzrə planı yerinə yetirməməsidir..."
İddia olunanlarla bağlı dia-az.life olaraq qarşı tərəfi də dinləməyə hazırıq...
Geri qayıt