Təhsil müdirinin texniki işçi BİZNESİ...
19-03-2024, 10:00
Bir neçə gündür ki, Abşeron-Xızı Regional təhsil İdarəsinə 2022-ci ildən rəhbər təyin olunmuş İlhamə Abdullayeva ilə bağlı bir neçə ittiham dolu iddiaları təqdim etməkdəyik.
Sonuncu yazı burada: Abşeron-Xızı Regional təhsil İdarəsində NƏ İŞLƏR ÇEVRİLİR... - İTTİHAM VAR...
Qeyd edək ki, ortadakı ittihamların ciddiliyi gərəkən qurumların dərhal hərəkətə keçməsini zəruri etsə də, hansısa formada cəza tədbiri hələlik müşahidə olunmur.
Biz isə nyus.az-a istinadla növbəti iddiaları təqdim edirik.. Beləliklə...
***
Məktəblərə laborant və kiçik texniki işçi adı altında işə qəbul edilən işçilərin müəllimlər otağında, kitabxanada, kargüzarın yanında, direktor müavinlərinin otağında əyləşməklə günlərini boşu-boşuna keçirərək dövlətin onlara ayırdığı pulları beləcə İlhamə Abdullayeva öz yaxın ətrafına hədiyyə edir. Bir neçə Şəhid, qazi ailələrinin övladlarını, o cümlədən bacı-qardaşlarını da işlə təmin edir ki, gözdən pərdə assın. Lakin bu heç də İlhamə Abdullayevanın belə insanların qayğısına qalmasından irəli gəlmir. Çünki, işə qəbul edilmiş, ortada yeyib kənarda gəzən “laborantlar”ın (laboratoriyalar) hansı yolla vəzifəyə təyin edilməsi nəzərimizdən qaçmadı. Araşdırma zamanı məlum oldu ki, ortada yeyib, kənarda gəzən “laborantlar” müəyyən məbləğ müqabilində işlə təmin olunublar. Bu işləri isə İlhamə Abdullayevanın “qara kassaları” həyata keçirir.
***
Məktəbəqədər müəssisələrdə araşdırma apardıq. Aparılmış araşdırma nəticəsində Abşeron Xızı Regional İdarənin tabeliyində olan bütün məktəbəqədər müəssisələrdə qeyri-qanuni pullu qruplar fəaliyyət göstərir. Bu qruplara şagird qəbulu 500 manatdan başlayır. Həmçinin, hər bir valideyndən əlavə olaraq aylıq 50 manat pul yığılır. Bu qruplar müəssisələrdəki qruplardan əlavə açılır ki, burada tərbiyəçi müəllimlər işə qəbul edilir. Lakin başqa maraqlı fakt odur ki, əlavə qruplara cəlb olunan uşaqlar bağçalara ayrılmış gündəlik maliyədən qidalanırlar. Bəs o zaman valideynlərdən niyə aylıq 50 manat rüşvət yığılır, – hər bir uşaq üçün?
***
İttihamlar seriyası davam edir....
Geri qayıt