Daha bir dərslik RÜSVAYÇILIĞI: İşğalda olan torpaqlar İRONİYA HƏDƏFİNDƏ
19-08-2017, 14:17
Daha bir dərslikdə dərc olunan şeir ciddi tənqidlərə səbəb olub.
BiG.AZ xəbər verir ki, ikinci sinif "Azərbaycan dili" dərsliyində işğal altında olan torpaqlar ironiya hədəfinə çevrilib. Şeirin müəllifi olan Mürvət Qədimoğlu isə sosial şəbəkələrdə sərt şəkildə tənqid edilib.
Bu barədə BiG.Az-a danışan təhsil eksperti Kamran Əsədov dərsliklərin mətnindən narazı olduğunu və dərslik vəsaitlərinin hazırlanması üçün xüsusi bir mərkəzin yaradılmasına ehtiyac olduğunu bildirdi: "Dərsliklər hazırlanarkən milli və mənəvi dəyərlər qorunmalıdır. Söz xətrinə hansısa ifadələri dərsliyə gətirmək olmaz.
Təəssüflər olsun ki, dərslikləri qiymətləndirən ekspertlər, mütəxəssislər bəzən müəlliflərdən də aşağı səviyyədə bilik və bacarıqlara sahib olurlar.
Dərslik dövlətin strateji əhəmiyyətli sahəsidir. Dövlət bəzən öz idealogiyasını məhz dərsliklər vasitəsilə həyata keçirir.
Lakin bu gün etiraf edək ki, dərsliklər ciddi şəkildə nəzarətdən kənarda qalıb.
Kimlərsə öz nüfuzundan istifadə edərək və ya yaranmış boşluqdan yararlanıb şagirddə heç bir bilik və bacarıqlarının formalaşdırılmasına xidmət etməyən dərsliklər, vəsaitlər yazırlar.
Hesab edirəm ki, dərslik yazılması üçün ayrıca mərkəz yaradılmalıdır. Lakin dərsliklərin daha da inkişaf etdirilməsini, yaxşılaşmasını istəyiriksə, əvvəlki illərdə dərslik müəllifi olmuş şəxsləri heç bir halda o mərkəzə, işə cəlb etmək olmaz, lazım deyil. Çünki onların xoş olmayan təcrübəsindən azad olmaq lazımdır".
Geri qayıt