"Artıq iki aya yaxındır ki, bura boş-boşuna gəlib gedirəm"
30-06-2018, 10:44
Ölkəmizdə bir çox elektronika və məişət avadanlıqları satışı ilə məşğul olan şirkətlər var.
Lakin bu şirkətlərin bir çoxunun fəaliyyətindən insanlar şikayətlənir. Ən çox şikayət olunan isə "Kontakt Home” mağazalar şəbəkəsidir.
“Kontakt Home” Sumqayıtda fəaliyyət göstərən mağazalar şəbəkəsində reklam fırıldaqları ilə istehlakçıları aldatmaqda davam edir. “Faizsiz kreditlər”, “onlayn satış” və s. kimi aldadıcı reklamlarla alıcı cəlb etməyə çalışan “Kontakt Home” bununla da istehlakçıların hüquqlarını kobud şəkildə pozur.
Növbəti belə halla rastlaşan alıcılardan biri Realnewsinfo.com-a müraciət edərək necə aldadıldığını, get-gələ salındığını danışıb. Sumqayıt şəhərində məskunlaşmış Qubadlı rayonundan olan məcburu köçkün Səfərova Aybəniz Göyüş qızı üzləşdikləri problemlə bağlı müraciət edib.
Şikayətçi bildirir ki, “PALTARYUYAN GORENJE W8624H” markalı 1168 manata kreditə götürmüşəm. Artıq paltaryuyana yox, verdiyim 1168 manata yanıram. Paltaryuyan xarab olaraq işlək olmayandan sonra niyə görə kredit ödəməliyəm, bilmirəm. Ayda 98 manat pul ödəyirəm. 22 aprel 2017-ci ildə paltaryuyanı kreditə götürmüşəm, kreditin 11-ci ayından xarab olub. Artıq iki aydır ki, kreditlə aldığım paltaryuyan işləmir. Dəfələrlə zəng etdim mənə bildirdilər ki, usta pulunu və maşın pulunu verməlisən. Soruşdum ki, nəqədər ödəməliyəm. bildirdilər ki, 25 manat. Razılaşaraq dediyləri məbləği ödədim. Əvvəl dedilər ki, bir ay ərzində usta göndərəik gəlib təmir edəcək. Dəfələrlə usta çağırsam da, kreditin içində paltaryuyan düzəlməyib. Bu səbəbdən alıcı kondisioneri geri qaytarmaq istəyir”.
Artıq iki aya yaxındır ki, bura boş-boşuna gəlib gedirəm”.
Şikayətçi eyni zamanda, “Kontakt Home” kredit şərtlərini asan edərək müştəriləri aldatdığını qeyd edir. Onun dediyinə görə, bunun əvəzinə məhsullar digər mağazalarla müqayisədə həddən artıq baha qiymətə insanlara satılır.
Bəzi vətəndaşlar televiziyada hər gün "Kontak Home”-un faizsiz kredit reklamından şikayətlənirlər. Hər hansısa bir malın üzərində qiymət göstərilir və onu 12 aya faizsiz ala biləcəkləri qeyd olunur
Şirkətin saytında paltaryuyan “Gorenje W7523A/S”in qiyməti 703.2 AZN göstərilib. Reklamda 12 ay faizsiz yazılıb. Kredit şərtlərində paltaryuyan maşının ödənişi 12 ay boyunca 74 manatdan təklif olunur. Bunu hesabladıqda isə 12 ay boyunca ödənilən cəmi məbləğ 888 manat olur ki, bu da öz qiymətindən 185 AZN (26.3%) çoxdur. Sual oluna bilər: əgər məhsulu faizsiz təklif edirsinizsə bəs bu 185 manat, yaxud 26.3 faiz nədir?
İnternetdə kiçik araşdırma ilə şirkət barəsində onlarla şikayətə rast gəlmək olar.
Ümumiyyətlə, Azərbaycanda əhalinin məmurlar, dövlət idarələri, özəl şirkətlər və ayrı-ayrı şəxslər tərəfindən aldadılması adi hala çevrilib. Vətəndaşlara məxsus külli miqdarda vəsaitin fırıldaqçılıq yolu ilə mənimsənilməsi cinayəti demək olar ki, cəzasız qalır. Son dövrlər əhalini daha çox “Kontakt Home” mağazalar şəbəkəsi aldadır.
Qarşı tərəfin mövqeyini dərc etməyə hazırıq.
Nəticələri irəliləyən araşdırmalarımızda təqdim edəcəyik.
Bizi izləməyi unutmayın...
Problemin varlığını və eləcədə bütünlüklə bu məsələləri diqqətimizdə saxlayacağıq.
RNİ
Geri qayıt