"Bizi intihar həddinə çatdırıblar..."
18-07-2019, 11:52
Bir müddət əvvəl Azərbaycanın 35 tanınmış ziyalısı adından ölkə rəhbərliyinə müraciət ünvanlanmışdı.
Həmi müraciətdə ziyalılar məhkəmədə haqsızlıq olduğunu iddia etmiş, bu haqsızlıqla üzləşən Azərbaycan vətəndaşının pozulmuş hüquqlarının bərpa edilməsini xahiş etmişdilər.
Ziyalıların müdafiə etdiyi Ağayev Sakin Abdulhüseyin oğlu bu dəfə özü Prezident İlham Əliyevə müraciət edib.
Həmin müraciəti olduğu kimi təqdim edirik.
Hörmətli Möhtərəm Prezident!
Təkrar olaraq böyük ürək ağrısı ilə nəzərinizə çatdırmaq istəyirəmki, Azərbaycan Respublikasının qanunları məhz onu qorumalı olan qurum və şəxslər tərəfindən kobud surətdə tapdalanır!
Mənim və ailə üzvlərimin hüquqları bir fırıldaqçının sifarişi və hansısa vəzifəli şəxsin ona havadarlığı ilə məhkəmə orqanları tərəfindən kobud surətdə pozulur.
Beləki, Bakı şəhəri Pirallahı rayon Məhkəməsinin hakimi Qəhrəmanov Əkrəm Sabir oğlu İbrahimov Fikrət Vəli oğlu adlı bir fırıldaqçı ilə cinayət əlaqələrinə girərək, aidiyat prinsipini pozmaqla iddiaçı və cavabdehlərin heç birinə aidiyyatı olmayan məhkəmədə, heç bir əsası olmayan iddia əsasında gizli şəkildə qurama məhkəmə işi açmaqla, məhkəmə prosesinə dair cavabdehlərin heç birinə hər hansı bir xəbərdarlıq etmədən, iddiaçı tərəfindən tərtib olunub birtərəfli qaydada imzalanan «müqaviləyə» hüquqi sənəd kimi istinad etməklə 26.07.2017 - ci il tarixdə bizə qarşı qanunsuz 2(094)-396/2017 saylı Qətnamə qəbul etmişdir (Yalnız iddiaçı tərəfindən tərtib olunub birtərəfli qaydada imzalanmış, mən və ailə üzvlərimin heç birinə aidiyyatı olmayan və bizim tərəfimizdən imzalanmayan, iş materiallarından götürülmüş saxta «müqavilənin» sürəti əlavə olunur).
Ailəmizin başına gətirilən bu faciə barəsində Azərbaycanın 35 tanınmış ziyalısı 12 iyun 2019-cu il tarixdə Sizə müraciət etmiş, qanunlarmızın bu dərəcədə ayaq altına atılmasına imkan verməməyinizi və bizim pozulmuş hüquqlarmızın bərpa edilməsinə yardım etməyinizi xahiş etmişlər. Bu müraciət və bu qanunsuzluqları və saxtakarlıqları təsdiq edən sübutlar rəsmi poçt vasitəsi ilə Sizə göndərilmiş və kütləvi informasiya vasitələrində yayımlanmışdır.
Lakin, bütün bunlara baxmayaraq bu biabırçı və ölkəmiz adına ləkə gətirən qanunsuzluqlar hələ də aradan qaldırılmamış, ədalət bərpa edilməmişdir.
Digər tərəfdən, baxmayaraqki, mən hələ 21.06.2019-cu il tarixdə Azərbaycan Respublikasının Baş Prokuroru cənab Zakir Qaralova müraciət edərək, məhkəməni aldatdığına və saxta sənəd təqdim etdiyinə görə İbrahimov Fikrət Vəli oğlu və bilə-bilə ədalətsiz qətnamə çıxarmış Pirallahı Rayon Məhkəməsinin hakimi Qəhrəmanov Əkrəm Sabir oğlu barəsində cinayət işinin başlanması üçün şikayət ərizəsi vermişəm, əməllərində açıq-aydın cinayət tərkibi olan bu şəxslər barəsində bu günə qədər heç bir tədbir görülməmişdir.
Əlavə olaraq mən 10 iyul 2019-cu il tarixdə təkrarən Sizə müraciət edərək mənim və ailə üzvlərimin hüquqlarının bərpa edilməsinə yardım etməyinizi və məni qəbul etməyinizi xahiş etmişəm.
Möhtərəm Prezident!
Bizə qarşı törədilən bu qanunsuzluqlar ucbatından artıq özümüzə qəsd etmək həddinə çatdırılmışıq. Biz başqa heçnə istəmirik, ancaq işin qanuna uyğun şəkildə Ali Məhkəmə Plenumuna çıxarılıb baxılmasını və ədalətli qərar qəbul edilməsini istəyirik! Əgər bizim bir günahmız aşkarlansa, ona görə on qat cəza çəkməyə hazırıq. Lakin, Ali Məhkəmənin sədri cənab Ramiz Rzayev nə üçünsə bu işin Plenuma çıxarılmasını yubadır!
Bu fakt isə bizi məhz elə Ali Məhkəmə binası qarşısında özümüzə qəsd etməyə vadar edir!
Hörmətli Möhtərəm Prezident!
Mənim və ailə üzvlərimin həyatı təhlükədədir. Təkrar Sizə müraciət edərək bu işə müdaxilə etməyinizi, bizim hüquqlarmızım və qanunlarmızın bu dərəcədə tapdanılmasına imkan verməməyinizi və məni şəxsən qəbul etməyinizi xahiş edirəm! \\modern.az\\
Geri qayıt