Azərbaycanda məmur həbs edilib
25-12-2019, 16:47
Azərbaycanda vəzifəli şəxs həbs edilib.
APA-nın məlumatına görə, Şirvan Kommunal Kombinatı müəssisəsinin rəhbəri Vəliyev Aqil Rəhimdil oğlu korrupsiya cinayətlərində təqsirli bilinir.
A. Vəliyev Baş prokuror yanında Korrupsiyaya Qarşı Mübarizə Baş İdarəsində başlanmış cinayət işi üzrə şübhəli şəxs qismində cəlb edilməklə, barəsində məhkəmənin qərarı ilə həbs qətimkan tədbiri seçilib.
Qeyd edək ki, A. Vəliyev Vətəndaş Həmrəyliyi Partiyasının Şirvan rayon təşkilatının sədri, 46 saylı Şirvan Dairə Seçki Komissiyasının (DSK) üzvüdür.
DİA.AZ xatırladır ki, hazırda Zərdaba rəhbərlik edən Mərdan Camalov Şirvan rayonuna başçılıq edərkən məhz Aqil Vəliyevlə ortaq "layihələrdə" olub ki, bu barədə də yerli KİV-də dünəndən məlumatlar yayılıb.
Ehtimal olunur ki, Aqil Vəliyevin həbsi Mərdan Camalova da ÇIXIŞ ÜÇÜN vasitə rolunu oynaya bilər...
Geri qayıt