Nazirlik Qarabağ əlilinə SAVAŞ AÇIB
10-06-2020, 11:24
DİA.AZ: - "7 ildir xaricdə müalicəyə ehtiyacı olan, düşmən gülləsinin ağ ciyərinin üçdən ikisini, yerli məmurların pensiyasının yarısını, əmlakının hamısını apardığı Qarabağ əlili Xaliq Abbaszadə dələduz “Rəvan” sığorta şirkətinin, Ədliyyə Nazirliyinin , məhkəmələrin qanunsuzluqları ilə üz-üzə qalıb. Özbaşınalığa baxın, Qarabağ əlili ona aid olmayan 90-HX-384 dövlət nömrə nişanlı “əlil avtomobili”nin “avtoşbala” məmur oğlu Hüseynov Fərid Zakir oğlunun 10-CK-200 nömrəli “Nissan” avtomobili ilə dayandığı yerdə arxadan vurularaq məhv edilməsinə görə öncə Suraxanı yol polisi İsgəndərovun məhkəməyə müraciəti əsasında 400 manat cərimə olunub, ardınca məmur maşınının sığortaçısı “Rəvan” sığorta şirkətinin saxta defekt aktı (Vergilər Nazirliyi bir neçə dəfə rəsmi qaydada aktın saxtalığını təsdiq edib və həm “Rəvan”ı , həm də törəməsi olduğu “Nurgün Motors”u cərimələyib ) ilə xaricdə müalicəyə ehtiyacı olan Qarabağ əlilindən 10 min manat tələb olunur!" Bu barədə DİA.AZ-a göndərilən məqalədə deyilir.
Daha sonra məqalədə bildirilir: "Bu “reketlik qayğısı”ndan əlavə şəkər xəstəliyinə yoluxan Qarabağ əlili Nərimanov rayon məhkəməsində “Rəvan”a qarşı iddia qaldıranda isə şirkət rəhbərliyi Sabunçu məhkəməsinin sədri İlqar Abbasov ilə qeyri-prosessual münasibətə girərək həmin məhkəmədə əlil və şəhid ailəsinə qarşı iddianı icraata götüzdürüb! Bu qeyri-prosessual özbaşınalığa nə Məhkəmə Hüquq Şurası, nə Ədliyyə Nazirliyi, nə Ombudsman , nə baş prokurorluq 5 ildir (!) hüquqi qiymət verilməsini təmin edir! Fikir verin, Nərimanov məhkəməsində eyni tərəflər arasında eyni predmet üzrə iş olduğu halda , Sabunçu məhkəməsi Qarabağ əlilinə və əsas cavabdeh şəhidə (!?) qarşı iddianı icraata götürüb! Belə məhkəmə -hüquq sistemi olar? Hətta hakim Gültəkin Əsədova şəhidin və əlilin yarı-yarı “Rəvan”a 10 min ödəməli olması barədə qətnamə də qəbul edib, avtomobilin yiyəsinin şəhid olması faktı ilə üz-üzə qalanda isə rüsvayçı qətnaməsini ört-basdır edərək, şəhidin varisi tapılana kimi icraatı dayandırıb. Bir müddət sonra varis tapılmadığı halda icraat bərpa olunub və hakim İmran Burcayev işi qərardadla Suraxanı məhkəməsinə göndərib. Bu qərardaddan qarşılıqlı iddiaçı əlilin şikayət verməsinə baxmayaraq, artıq görəvinə vaxtından əvvəl xitam verilən hakim Ramil Həsənov 28.11.2016 tarixli qətnamə ilə əlili “ min manat güzəştlə” 9 minlik borclu edib! (?) Və çıxılmaz durumda olan Qarabağ əlilinə özünü yandırmağı təklif edib! (?) Amma başabəla hakim tələsib və qətnaməsinin tualetdə işlədilən kağızdan özgə qüvvəsi olmayıb. Nədən Ali Məhkəmə 16.05.2017 tarixli qərarla işin aidiyyatını müəyyən edib və təbii ki, Ali Məhkəmənin qərarı aşağı məhkəmə üçün məcburidir . Di gəl, hələ də Sabunçu və Suraxanı məhkəmələri Ali Məhkəmənin qərarı əsasında işə baxılmasını 4-cü ildir təmin etmirlər! Bu özbaşınalığa hüquqi qiymət verilməsini təmin etməyə borclu olan Məhkəmə Hüquq Şurası, Ədliyyə Nazirliyi isə susmaqdadır . Hətta Ədliyyə Nazirliyinin Suraxanı icra məmuru Vüsal Əliyev qanuni qüvvəsi olmayan 28.11.2016 tarixli saxta qətnaməni ƏƏSMN yanında DSMF-ə göndərib Qarabağ əlilinin pensiyasını yarıqat etdirib. İcra məmurunun qanunsuzluğu göz önündədir :birincisi, icra məmuru özü icra sənədi tərtib edə bilməz. “İcra haqqında” qanunun 7.2 maddəsinə görə, icra sənədi hakim tərəfindən imzalanır və məhkəmənin möhürü ilə təsdiq olunur. Belə qanuni icra sənədi isə yoxdur. İkincisi, lap icra sənədi olsa da, “İcra haqqında” qanunun 68.1.2 maddəsi TƏLƏBİN BORCLUNUN XİDMƏTİ VƏZİFƏLƏRİNİ YERİNƏ YETİRƏRKƏN ALDIĞI XƏSARƏTLƏRƏ GÖRƏ ÖDƏNİLƏN MƏBLƏĞLƏRƏ YÖNƏLDİLƏ BİLMƏZLİYİNİ təsbit edir! İcra məmurunun “İcra haqqında” qanundan xəbərsizliyi bir yana, bəs ƏƏSMN yanında DSMF-in Xüsusi Şərtlərlə Təyinat İdarəsi də bilmir ki, icra sənədinin olmaması o yana dursun, axı Vətəni müdafiə edərkən ağ ciyərinin üçdən ikisini itirən əlilin pensiyası başqasına ödənilə bilməz? 3 ildir bu idarəni heç nazirin özü də başa sala bilmir ki, Qarabağ əlilinin pensiyasını bərpa etsin! Dəhşətə baxın, əlilin sosial, hüquqi təminatına görəvləndirilən ƏƏSMN onun pensiyasını başqasına ödəyir və bərpa etməyi də düşünmür! (?)
Qarabağ əlili məhkəmə yolu ilə də icra sənədi olmadan yarıqat edilən pensiyasını bərpa etdirə bilmir. Bakı İnzibati Məhkəməsinin hakimi Miminat Hacıbəyovanın ƏƏSMN yanında DSMF ilə qeyri-
prosessual münasibətə girərək iddianı mümkün saymaması haqqında qərardadını Bakı Apellyasiya Məhkəməsi qüvvədə saxlasa da, Ali Məhkəmə bir ildən çoxdur ləğv edib. Bakı İnzibati Məhkəməsi bir ildən çoxdur işə yenidən baxılmasını təmin etmir. Qərardadı ləğv edilən Miminat Hacıbəyova süründürməçilik edir. Təsəvvür edin, 4 ay qabaq hazırlıq iclası keçirilib, amma növbəti iclasın vaxtı təyin olunmayıb. Eyni zamanda, marağına toxunan 3-cü şəxs Qarabağ əlilinin vəsatəti üzrə də qərar qəbul edilməyib. Halbuki, İPM-in 28-ci maddəsinə əsasən 3-cü şəxs qismində vəsatətin təmin edilməməsindən şikayət vermək olar. Hakim öz təşəbbüsü ilə 3-cü şəxs Suraxanı icra və probasiya şöbəsini cəlb etdiyini bildirsə də, hələ də sözügedən icra şöbəsinin məhkəməyə hörmətsizliyi sürür. Ümumiyyətlə, Mülki Prosessual Məcəllə və İnzibati Prosessual Məcəllə əvvəllər iş üzrə hakim olmuş şəxsin yenidən həmin işə hakim təyin edilməsini yolverilməz sayır. Belədə hakim özü özünə etiraz etməlidir. Etmirsə, yəqin ki, iddiaçı əlil etiraz edəcək.
Görəsən, Bakı İnzibati Məhkəməsi qanunçuluğu üstün tutacaq, yoxsa ƏƏSMN -in təzyiqini?
Hələ ki, məhkəmə hüquq sahəsində qanunsuzluq hökm sürür ..."
dia-az.life olaraq bütün maraqlı tərəfləri dinləməyə hazırıq...
Geri qayıt