Dəyişiklik gözlənilir: Daha 5 rayonun icra hakimiyyətinin başçısı iynə üstündə oturub
28-01-2015, 13:15
DİA.AZ: - Az əvvəl vəzifələrindən azad edilməsi nəzərdə tutulan icra başçılarının siyahısını açıqlamışdıq. Bildirək ki, DİA.AZ-a daxil olan məlumatlarda 12 rayonun və iki iri şəhərin rəhbərinin dəyişdiriləcəyi haqda informasiya verilmişdi (http://www.dia-az.life/9/64530-cra-bashchilarinin-eleme-prosesi-davam-edir-novbeti-dalgada-bu-shexsler-ishden-alinacaq.html).
Bu dəqiqələrdə redaksiyamızı bilgiləndirən mənbə iddia edir ki, daha 5 rayonun rəhbəri barədə qərar verilib.
Mənbənin dia-az.life-a söylədiyinə görə, Ağcabədi rayon icra hakimiyyətinin başçısı Şahin Məmmədovun artıq qərarı hazırdır:
«Onun Bakı rayonlarından birinə gətirilməsi gözlənilir. Şahin Məmmədovla yanaşı, Gədəbəy rayon icra hakimiyyətinin başçısı Ramiz Yediyarovun da vəzifədən alınacağı planlaşdırılır».
Xəbəri verən qaynaq dia-az.life-a onu da bildirib ki, eyni zamada Yevlax, Masallı və Astara rayonlarının da rəhbərliyində dəyişiklik gözlənilir.
Geri qayıt