"Kabinetlər köçürülüb, avadanlıqlar dəhlizlərə yığılıb, həkimlər qıraqda qalıb"
13-03-2017, 13:08
Bu gün Elmi-Təqiqat Ağ Ciyər Xəstəlikləri İnstitutunda xəstələr etiraz aksiyası keçirib.
Xəstələrin Gununsesi.info-ya verdikləri məlumata görə, buna səbəb institutda iş rejiminin pozulması, eyni zamanda qəbul və diğər şöbələrinin işinin iflic vəziyyətinə düşməsidir: “ Kabinetlər köçürülüb, avadanlıqlar dəhlizlərə yığılıb, həkimlər qıraqda qalıb. Hansı həkimə yaxınlaşırıqsa, müayinə üçün kabinetlərin köçürüldüyünü deyir. Artıq bu haqda nazirliyin Qaynar Xəttinə şikayət edib, baş verənlər haqqında xəbər vermişik”.
Xatırladaq ki, martın 6-dan etibarən Ağciyər Xəstəlikləri Elmi-Tədqiqat İnstitutunda kollektiv bir-birinə dəyib. Gununsesi.info-ya bu haqda məlumat verən mənbənin sözlərinə görə, buna səbəb kollektivə yenicə direktor təyin edilən Həqiqət Qədirovanın xəstəxanın təmir işlərinin xərclərini kollektivin üzərinə qoymasıdır. İnstitutun həkimləri iddia edirlər ki, Həqiqət Qədirova onları məcbur edir ki, xəstəxananı təzədən təmir etdirsinlər: “Yeni direktorun işə təyin olunmasından bir ay keçməmiş həkim və tibb personalını məcbur edir ki, institutu təmir etdirək. Hər kəs çalışdığı şöbəni yenidən təmir etsin, elektrik, su xətlərini yeniləsin, məgər büdcədə pul yoxdur? Təbii var. Sadəcə, həmin pullar yeyilib, təmir isə lazımi səviyyədə aparılmayıb. Axı nəyə görə təmiri xəstəxananın kollektivi etməlidir? Dövlət müəssisəsidir e.. bu xəstəxana. Dövlət də onun bütün xərclərini ödəyir”.
Mənbə iddia edir ki, H.Qədirova vərəm üzrə mütəxəssis deyil: “O, vərəm üzrə mütəxəssis deyil, mikrobioloqdur. Lakin vərəmə aid hər şeyə qarışır. Ölüm hadisələri olur, lakin bütün bunlar müzakirə edilmir. Əsas problemimiz budur. Vərəmlə, infeksiyayla işləyə-işləyə bizə deyir ki, xəstədən aldığınız 3-5 manatla xəstəxananı təmir etdirin. Heç kim də ağzını açıb danışa bilmir. Çünki onun nazirliklə əlaqəsi var. Çünki səhiyyə naziri Oktay Şirəliyev onu şəxsən özü bura işə gətirib. Ona görə də onun yanında özünü yaxşı adam kimi göstərir. Qaynar xəttə zəng edə bilmirik. Hamı indiki ağır iqdisadi durumda işini itirməkdən qorxur. Xəstəxananın bütün müəssisələrində təmir gedib. Akuşer-ginekologiya, elmi-tədqiqat və digər müəssisələrinin hamısını təmirini dövlət öz üzərinə götürüb və bu işləri də həyata keçirib. Ən ağır sosial vəziyyət vərəm müəssisəsindədir. Ən ağır, sosial vəziyyəti çətin, ən kasıb xəstələr də vərəmdədir. Biz burada nə qazanırıq ki, müəssisəni də öz hesabımıza təmir etdirək. Büdcə nəyə görə vərəmdən müalicə müəssisəsinə pul ayırmır? Əgər ayırırsa da, hanı həmin pullar? Direktor 20 000 AZN tələb edir, bu təmir üçün. Bundan əvvəlki, ondan insaflıydı. 5 000 AZN tələb etmişdi. Allah üçünə biz də yığışıb elədik. Sonunda burada çalışırıq. İş şəraitimiz yaxşılaşdı. İndi isə nə az, nə də çox 20 000 AZN tələb edir. Hardan alaq? Bu soyuqda xəstələri içəri keçməyə qoymur. Bayırda uzun-uzadı növbəyə dayanırlar. Heç kimi qəbul etmir, dinləmir”.
Ağciyər Xəstəlikləri Elmi-Tədqiqat İnstitutnun direktoru Həqiqət Qədirova ilə əlaqə yaratmağa çalışsaq da, köməkçisi dəstəyi institutun təsərrüffat məsələləri üzrə dürektor müavini Asif Balayev cavab verdi. O əməkdaşımızla söhbətində bildirib ki, hazırda müəssisədə təmir işləri aparılmır. Təmir xərclərinin tibb personalının üzərinə qoyulmasına gəlincə isə o: “Belə bir şey yoxdur”-, deyib.
Geri qayıt