Gənclər günündə “Nar”-dan cavanlara “CavanNar” hədiyyəsi
1-02-2018, 18:25
DİA.AZ: - “Nar” Gənclər günündə özünün gənc istifadəçilərini sevindirmək qərarına gəldi. Belə ki, mobil operator bütün “CavanNar” istifadəçilərinə 500 MB internet hədiyyə edəcək. Qeyd edək ki, hədiyyənin istifadə müddəti 30 gündür. Bonuslar bitdiyi zaman isə hesablama tarifə uyğun şəkildə aparılacaqdır.
DİA.AZ-a şirkətdən verilən məlumatda deyilir ki, danışıq dəqiqələri, SMS və internetin gənclər üçün eyni, sərfəli tarifdə toplandığı “CavanNar” təklifinə edilən dəyişikliklərdən sonra “Nar” mobil rabitə bazarında gənclər üçün olduqca sərfəli təklif irəli sürüb. Gənclər bu tarifə qoşulmaqla hər ay şəbəkədaxili 300 dəqiqə, ölkədaxili 300 SMS və 300 MB internet trafiki əldə edirlər. Gənclər çox sərfəli ünsiyyət imkanlarını özündə birləşdirən tarifə cəmi 99 qəpiyə qoşula bilirlər.
“Nar” tarif və kampaniyaları haqqında daha ətraflı məlumatı isə nar.az internet səhifəsindən öyrənmək olar.
“Azerfon” şirkəti 21 mart 2007-ci ildə “Nar Mobile” ticarət nişanı ilə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilmişdir. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilmişdir. “Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə vermişdir. Mobil operator şəbəkə keyfiyyətinin davamlı təkmilləşdirilməsi strategiyası çərçivəsində səs keyfiyyətinin nəzərəçarpacaq dərəcədə artımını və səsin təmiz ötürülməsini təmin edən “HD-Voice” (High Definition Voice) xidmətini təqdim etmişdir. “Nar” şəbəkəsi hazırda ölkə ərazisinin 93%-ni əhatə edir və 6500-dən artıq baza stansiyası ilə 2 milyondan çox abunəçiyə yüksəkkeyfiyyətli xidmət göstərir.
Geri qayıt