Samir Şərifov işçisini tutdurur
24-04-2019, 12:48
DİA.AZ: - Az əvvəl məlumat yayıldı ki, Sabirabad və Şirvan rayonlarının Maliyyə İdarələrinin müdirləri təqaüdə göndərilib.
ONA-nın Mil-Muğan bürosunun məlumatına görə, bununla bağlı maliyyə naziri Samir Şərifov müvafiq əmr imzalayıb. Əmrə əsasən, Sabirabad rayon Maliyyə İdarəsinin müdiri Hüseynağa Gülüşov və Şirvan şəhər Maliyyə İdarəsinin müdiri Həzi Qasımov təqaüdə göndəriliblər. Onların yerinə hələlik təyinat yoxdur.
DİA.AZ xatırladır ki, əslində Maliyyə Nazirliyinin Sabirabad rayon Maliyyə İdarəsinin rəhbəri Hüseynağa Gülüşov bir neçə həftədir ki, işdən azad olunub. Bu barədə ilk xəbəri yayan "Qafqazinfo”nun əldə etdiyi məlumata görə, Maliyyə Nazirliyi tərəfindən idarədə yoxlamalar aparılıb və nöqsanlar aşkarlanıb. Buna görə də sədr işdən azad olunub.
Məsələ ilə bağlı “Qafqazinfo”ya açıqlama verən nazirliyin mətbuat xidmətinin rəhbəri Mais Piriyev isə bildirmişdi ki, Hüseynağa Gülüşov dövlət qulluğu olmanın yaş həddini doldurduğuna görə öz arzusu ilə dövlət qulluqçusu vəzifəsinə xitam verilib.
Qeyd edək ki, H. Gülüşovun adı mətbuatda müxtəlif dövrlərdə maliyyə maxinasiyaları məsələsində hallanıb. Bunu da “Qafqazinfo” yazırdı.
DİA.AZ-a isə bu arada ilginc məlumatlar daxil olub. Belə ki, məlumatlı mənbə “Qafqazinfo” tərəfindən ilkin olaraq 19 aprel tarixində yayılan xəbəri təsdiqləməklə yanaşı iddia edir ki, Hüseynağa Gülüşovun fəaliyyəti məhz Maliyyə Nazirliyinin daxili qərarı ilə təftiş olunub.
Hüseynağa Gülüşova gəlincə isə onun özü barəsində də kifayət qədər olginc məlumatlar var. Bildirilir ki, az qala Sabirabadın tən yarısına sahiblənmiş keçmiş idarə rəisi müxtəlif ilərdə dövlət büdcəsindən ayrılan vəsaitləri təyinatı üzərə yönəltməməklə, maxinasiyalara yolverməklə özünə külli miqdarda sərvət əldə edib.
Bildirək ki, mənbə DİA.AZ-a Hüseynağa Gülüşovun biznes imperiyası ilə bağlı şok faktları da təqdim edib. Hər halda bir idarə müdirinin dövlət tərəfindən müəyyən olunan maaşla əldə edə bilməsi imkansız olan bu sərvətin qaynağı da mütləq şəkildə gərəkən qurumlar tərəfindən araşdırılmalıdır.
Əlavə bilgilərimiz olacaq. Bizi izləyin.
Qeyd edək ki, iddia olunanlarla bağlı Hüseynağa Gülüşovla əlaqə saxlamaq istəsək də, bu mümkün olmadı. Yenə də dia-az.life olaraq qarşı tərəfi dinləməıyə hazırıq...
Geri qayıt