AQTA-nı nə yediyimiz MARAQLANDIRMIR?
13-10-2021, 11:27
Məhəmməd Peyğəmbər ( səs ) buyururdu: “ Biz yediklərimizin cəmiyik “.
Yəni yediklərimiz sağlam, təmiz məhsuldursa, orqanizma da sağ olacaq. Əks təqdirdə xəstəliklər baş alıb gedəcək.
Bəli, Azərbaycan xalqı yüz illər boyu ən çox öz məhsulları ilə qidalanıb, yəni bizim milli mətbəximizdə əcnəbi qidalar çox az olub. Öz yağımız, öz çörəyimiz, öz südümüz, öz pendirimiz, öz ətimiz...
Hətta xarici səyyahlardan biri 150 il əvvəl Qafqazda olanda deyib ki, azərilər libasını-geyimini dəyişəcək, ancaq onların mətbəxi o qədər yüksək səviyyədədir ki, onu dəyişmək mümkün deyil.
Təəssüf ki, son 20-30 ildə ölkəmizə o qədər müxtəlif qida məhsulları daxil oldu ki, at əti, it ətinə qarışdı.
Daxil olan məhsulların çoxu da keyfiyyətsiz, süni, saxta qidalar oldu. Bu prosesdə kimlərsə milyonlar qazandı. Amma camaatımız itirdi.
Son illər xalqımız arasında müxtəlif xəstəliklərin baş alıb getməsinin birinci səbəbi də budur.
Neçə illərdir ki, ölkəmizə idxal olunan müxtəlif yağların xərçəng xəstəliyi yaratması barədə yazılır.
Mediada ölkəyə gətirilən kərə yağlarına zərərli qatqı maddələrinin vurulması ilə bağlı məlumatlar dərc olunur.
Birincisi, bu yağlar kərə yağı deyil. Qatqılar isə çox zərərlidir. Yəni bu yağların mənşəyi bəlli deyil.
Uzun müddət texniki istehsal üçün yarayan müxtəlif yağları xalqımıza satırdılar. Bu ucuz yağları xaricdən 60 qəpiyə alıb camaata 3-4 manata satırdılar.
Yəqin ki, Palma yağı hamının yadınadadır. Bu yağı uzun müddət ölkəmizə “Broker Əbülfəz” kimi tanınan biznesmen gətirib. Bu yağların tərkibində inək südündən əsər-əlamət yox idi.
Son illərdə ölkəmizin qida bazarında “Westgold” kərə yağları da geniş yayılıb.
Bu yağı ölkəyə gətirən şirkətin sahibləri guya yağın Yeni Zenlandiyada təmiz inək südündən hazırlandığını iddia edirlər.
Hətta təəssüf edici haldır ki, bizim bəzi QHT rəhbərləri də bu yağı bəh-bəhlə reklam edirlər. Məsələ aydındır, bu prosesdə hər kəs öz payını götürür.
Bizim kimisə qaralamaq fikrimiz yoxdur. Amma millətin sağlamlığı, onun genefondu ilə alver etmək olmaz.
Dəfələrlə “Westgold” kərə yağlarından kif, üfunət iyi gəlməsi barədə mediada yazılar dərc olunub.
Düzdür hər dəfə şirkətin sahibləri bunu inkar etməyə çalışıblar.
Müxtəlif media qurumları bu yağlardan üfunət iyisinin gəlməsini daha çox yağa vurulan qatqılarla bağlayıblar.
Hətta şikayətçilər yazır ki, bu yağdan istifadə edən zaman yağdan gələn pis qoxulardan mətbəxdə dayanmaq olmur.
“Westgold” kərə yağının istehsalçısı olanlar isə yağların ən yüksək keyfiyyət göstəricisindən bəhs edirlər.
Hətta bu fikirdə olanlar da var ki, guya yağ ölkəmizə daxil olandan sonra ona nəsə qatırlar, sonra satışa çıxarırlar. Yağın qablaşdırıldığı kağızda da səbəb axtaranlar var. Guya iyi kağızdan gəlir.
Digər media qurumları isə yazırlar ki, “OBA marketlər şəbəkəsindən aldığımız “Westgold” kərə yağının istifadə müddətinə 1 il qalmış olsa da, yağ iy verirdi, dadını itirmişdi.
Yenə günahkar yağı idxal edənlər yox, nasaz soyuducular oldu. Guya soyuducular nasaz olduğu üçün yağ kiflənib.
Sözün qısası, “Westgold” kərə yağı ilə bağlı söz-söhbət bitib tükənmək bilmir.
Bəs, Qida Təhlükəsizliyi Agentliyi hara baxır ?
Hara baxırsınız, cənab Qoşqar Təhməzli ?
P.S Biz bu yazıları yazmaqla xalqimiza zərər verici qida məhsullarından yaxamızı qurtarmaq istəyirik. Hansısa şəxsin redaksiyamıza zəng vurub bizə leksiya söyləməsi üçün yox. //gundelik-baku.com//
Geri qayıt