Azərbaycanda mühəndisliyin kökünə BALTA VURAN ADAM...
9-06-2022, 14:50
Azərbaycan dilinin frazelogiya lüğətində “başında turp əkmək”, “başında qoz sındırmaq” kimi ifadələr var.
Yəni mənası kiməsə, nəyəsə problem yaratmaqdır.
Amma Azərbaycan dilinin frazelogiya lüğətində “başında arpa əkərəm” ifadəsi olmayıb.
Bunu ilk dəfə dilimizə cənab Havar Məmmədov gətirib.
Söhbət 2000-2016-cı illərdə, yəni 16 il Azərbaycan Texniki Universitetinə ( ATU ) rəhbərlik etmiş Havar Məmmədovdan gedir.
Hamıya məlumdur ki, ATU-nun idman zalını it boğuşduranlara icarəyə verib pul qazanan bu adam sonradan Qafqaz Universitetinin, yəni Bakı Mühəndislik Universitetinin rektoru oldu.
Turp, qoz və arpa məsələsi haradan ağlımıza gəldi deyim, oxucular da bilsin.
Deməli, Havar Məmmədovla bağlı ən sonuncu xəbərdən bəlli olur ki, rektor universitetin həyətində arpa-buğda əkəcək.
Bəli, xəbər saytları az qala sensasiya kimi təqdim edir ki, Bakı Mühəndislik Universitetinin ( BMU ) həyəti satılır, kirayəyə verilir və s. Və bu barədə elan saytlarında xəbər yerləşdirilib.
Hətta elanın fotosu sosial şəbəkədə paylaşılıb. Belə ki, elanda 20 hektara yaxın ərazinin əkinə yararlı olduğunu, orada arpa, buğda əkməyin mümkünlüyü qeyd olunub.
Əslində burada təccüblü, sensasiyalı nə var ki ?
BMU-nun rektoru Havar Məmmədovu tanıyanlar gözəl bilir ki, bu adam alim, ziyalı olmaqdan çox satmaqla məşğul olub, yəni biznes adamıdır.
Qısa məlumat üçün qeyd edək ki, BMU 2016-cı il tarixində, ləğv olunmuş Qafqaz universitetinin bazasında yaradılmışdır.
Havar Məmmədovun keçmişini bilənlər bilir ki, onun Azərbaycan təhsilinin başına nəinki turp, hətta arpa əkməsi təəccüblü deyil.
Bilməyənlər üçün xatırladaq ki, əslən İmişlidən olan Havar Məmmədov heç vaxt elm adamı olmayıb, daha çox “komsorq”, “partkom”, təlimatçı-instruktor kimi fəaliyyət göstərib. Belə bir adamı nəinki Qafqaz Universitetinə, hətta Texniki Universitetə də rektor qoymaq olmazdı.
Bəli, Havar Məmmədov Texniki Universitetdə axşam və qiyabi təhsil üzrə prorektor olanda tələbələrin hesabına nələr qazanmadı?
16 il il ATU-da rektor olduğu müddətdə milyonlar qazanıb, oliqarxa çevrildi.
Təsəvvür edirsiniz rektorun marketləri var. Adama deyərlər ki, rektor hara, market hara ?
Bu adamdan soruşan yoxdur ki, Xocahəsəndəki dəmir beton zavodunu hansı pulla almısan ?
Bəs 4 milyonluq villanı necə?
Əlbəttə, universitetin təmirinə ayrılmış pulların hesabına Novxanıda özünə villa tikdirdin.
Bəlkə Heydər Əliyev Məscidinin yaxınlığında, “milyonçular məhəlləsi” deyilən ərazidəki 6 milyon dəyəri olan 3 mərtəbəli villanın hesabını soruşaq ?
Bax, istintaq Havar Məmmədovdan bunları soruşmalıdır .
Biz hələ “kafi”, “yaxşı”, “əla” qiymətləri neçəyə yazması, barədə yazmırıq, çünki bunlar Havar müəllim üçün “xırda summa”lardır.
Yuxarıda qeyd etdiyimiz suallara aydınlıq gələndən sonra hamıya bəlli olacaq ki, Havar kimi birisini Qafqaz Universitetinə rektor qoymaq həqiqətən də təhsilimizə ironiyadır. Niyə..?
Bütün Azərbaycan bilirdi ki, Fətullah Gülən söhbətini kənara qoysaq, Qafqaz Universitetində 1 manat rüşvətdən danışmaq olmazdı.
Universitetin rektoru Əhməd Sanıç tələbələrlə bir yerdə yeməkxanada nahar edirdi, tələbələrlə birgə liftlə qalxırdı. Yəni bu qədər demokratik mühit.
Təəsvvür edirsiniz, Havar Məmmədov tələbələrə pul mənbəyi kimi baxıb.
Havar Məmmədov ATU-da rektor olarkən “3” qiyməti 50 manata, “4” qiyməti 80 manata, “ 5” qiyməti 120 manata satılırdı. Dövlət imtahanlarının qiyməti 500 manat idi.
Belə birisini rüşvətin olmadığı məkana rəhbər təyin etmək, vallahi, böyük günahdır.
Rektor Havar Məmmədovdan niyə soruşan yoxdur ki, “Saba Gars” avtomobil mərkəzini hansı pulla almısan..?
Yaxud Havar Məmmədov “MakroMarket” mağazalar şəbəkəsinə necə 50 faiz şərik olub..?
Bunlar hələ bizim bildiklərimizdir.
Havar Məmmədovun nə qədər bilmədiyimiz, yaxud qohumlarının adına olan əmlakı, obyektləri var.
Sual oluna bilər ki, rektor dövlətdən konkret maaş alır, bütün bunlar hansı pulla əldə edilib.
Nə isə…
Deməli, BMU-nin rəhbərliyi medianın suallarına həmişə belə cavab verir: Bu barədə məlumatımız yoxdur.
Görəsən Havar müəllimin bəs nədən xəbəri var ?
Bəlkə, BMU-də tədris müdiri ilə cavan müəllimənin məsələsindən də Havar müəllimin xəbəri yoxdur ?
Bəlkə, BMU-da mühafizə rəisi ilə xanımın dostluğundan, bəlkə, idman müəlliminin 1-ci kurs tələbəsi qıza təklifindən də xəbəri yoxdur, Havar Məmmədovun ?
İndi gördünüzmü, təəccüblənməyə, sensasiya axtarmağa dəyməz.
Əgər eşitsəniz ki, Havar Məmmədov universitetin binasını satıb, qəti təəccüblənməyin.
Yazıda adları çəkilən hər bir şəxsin mövqeyini dərc etməyə hazırıq. //gundelik-baku.com//
Geri qayıt