Cənab nazir, Azərbaycanda BELƏ MƏKTƏB VAR...
27-09-2022, 16:45
İmişli rayon Aranlı kəndinin Yusif Sadatxanov adına 1 saylı orta məktəbi qəzalı vəziyyətdədir.
DİA.AZ xəbər verir ki, məktəb istifadə müddətini çoxdan başa vurub. Pəncərələri sınıq-salxaqdır, divarları uçub-tökülür, döşəmə və tavan çöküb. 1972-ci ildən fəaliiyyət göstərən məktəbin hazırkı vəziyyəti tədris üçün yararlı deyil.
Biz də öz növbəmizdə Aranlı kənd məktəbinin gələcək taleyi ilə bağlı məlumat almaq üçün Elm və Təhsil Nazirliyi Mil-Muğan Regional Təhsil İdarəsinə üz tutduq. Bizi qurumdan Tədrisin Keyfiyyəti Sektorunun müdiri Mahir Zahidov qarşıladı. Bildirdi ki, Aranlı kəndinin qəzalı məktəbinin yenisi ilə əvəz olunması növbəti ilin tədbirlər planına daxıl olunub.
Görünüşə görə Aranlı məktəbliləri növbəti tədris ilini də qəzalı məktəbdə oxumalı olacaqlar. Verilən vədlərə əməl olunacaq, ya yox, bunu da gələcək göstərəcək.
Məsələni diqqətdə saxlamağı özümüzə borc bilirik.
Daha ətraflı aşağıdakı videoda:
Geri qayıt