İnam Kərimovun dağıtdığı daha bir təhsil ocağı: Aqromexanika Elmi-Tədqiqat İnstitutu...
1-02-2023, 10:53
DİA.AZ: - "Kənd Təsərrüfatı Naziri İnam Kərimov aqrar sahələri məhv etdiyi kimi tabeliyində faliyyət göstərən Elmi tədqiqat insitutlarını da iflic vəziyyətinə qoyub". Bu barədə DİA.AZ-a göndərilən müraciətdə deyilir.
Müraciət müəllifləri daha ağır ittihamların yer aldığı fikirlərini belə davam etdirirlər: "Aqromexanika Elmi-Tədqiqat İnstitutunun 80 yaşlı, 2 ci dərəcəli əlil Əslən Qərbi Azərbaycandan olan (Göyçəli) direktoru Kamil Fətəliyevin özbaşınalığından danışmaq istəyirik. 100-ə yaxın elmi işçini elmdən uzaq salaraq öz istədiyini etməkdədir. 2004-cü ildən bu günə qədər Aqromexanika Elmi - Tədqiqat İnstitutunda direktorluq edən Kamil Fətəliyevin idarəçiliyində bircə nəfər belə aspirant olmayıb, nə də elmi müdafiə ilə məşğul olan olmayıb.
Kamil Fətəliyev
Elmə zərrə qədər də yenilik gətirməyən Aqromexanika E/T İnstitutu sanki Kamil Fətəliyev kreslosu olsun deyə faliyyət göstərir. Kamil Fətəliyevin elmi işlər üzrə drektor müavininin heç bir elmi dərəcəsi olmayan, aqrar sahə üzrə təhsili almayan təqaüdçü Xudayar Məmmədova müvəqqəti həvalə etməsindən bilinir ki, Kamil Fətəliyev insitutun faliyyətini elm və inkişaf üçün yox, sadəcə öz mənfəəti üçün işləyir. Dəfələrlə elmi işlər üzrə direktor müavini yeri müsahibəyə çıxarılsa da, Kamil Fətəliyev öz maraqları naminə cavan kadırları bu vəzifəyə təyin etməkdən qaçıb.
İnsitutun kollektivinə müavini əslən Göyçəli olan birisini təyin edəcəyini, direktorluğu həmin şəxsə verib gedəcəyini bildirib. Kamil Fətəliyev elə sanır ki, Aqromexanika Elmi - Tədqiqat İnsitutu onun ata mülküdür.
Direktor Kamil Fətəliyev işçilərin 22 nəfərini "ölücan işə" götürərək hər ay əməkhaqqlarını özünə götürür. Xəstəlik üçün bülletenə çıxanlara günü 2 manat pul alaraq onları bülletenə yollayır. İşçilərə ezamiyyət yazdırıb pullarını direktor Kamil Fətəliyev mənimsəyir. Dəftərxana ləvazimatı üçün pul ayrılsa da, ləvazimatlar verilmir və pulu direktor Kamil Fətəliyev mənimsəyir".
Dəyərli oxucu, bəs bu 80 yaşlı Kamil Fətəliyev kimdir və kimlərə güvənir?
Bu barədə DİA.AZ-ın növbəti yazısında...
İddia olunanlarla bağlı dia-az.life olaraq bütün maraqlı tərəflərin mövqelərini işıqlandırmağa hazırıq...
Geri qayıt