Seçki hansı oliqarx-məmurların `KƏLLƏSİN APARACAQ`?..
28-06-2024, 16:49
Məlum olduğu kimi az əvvəl Azərbaycan Prezidenti İlham Əliyev altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb. Dia-az.İnfo-nun xəbərinə görə, Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.
Qeyd edək ki, Yeni Azərbaycan Partiyası (YAP) İdarə Heyətinin iyunun 20-də keçirilən iclasında Milli Məclisdə təmsil edən deputatlara altıncı çağırış Milli Məclisin buraxılması və növbədənkənar seçkilərin təyin edilməsi barədə Azərbaycan Prezidentinə müraciət olunması üçün təşəbbüs göstərmələrinin tövsiyə edilməsi barədə yekdil qərar qəbul olunub. Parlamentin iyunun 21-də keçirilən plenar iclasında isə Milli Məclis növbədənkənar seçkilərin təyin edilməsi üçün Prezidentə müraciət edib. Müraciətin lehinə 105, əleyhinə isə 1 nəfər səs verib. Konstitusiya Məhkəməsi Plenumunun iyunun 27-də keçirdiyi iclasında Milli Məclisin buraxılması və növbədənkənar seçkilərin təyin edilməsinin Konstitusiyaya uyğun olması barədə qərar qəbul edilib. İyunun 28-də Milli Məclisin növbədənkənar sessiyasının sonuncu plenar iclası keçirilib. Sessiya bağlı elan edildikdən sonra VI çağırış Milli Məclis işini yekunlaşdırıb.
Dia-az.İnfo-ya daxil olan məlumatlardan aydın olur ki, əslində növbədənkənar parlament seçkilərinin elanı təkcə Milli Məclis heyətinin dəyişməsinə hesablanmayıb, eyni zamanda xeyli sayda köhnə eşalondan qalma oliqarxlaşmış məmur heyətinə də bu prosesdə "əlvida" deyiləcəyi gözlənilir.
Bu barədə danışan hökumətdəki mənbə iddia edir ki, yaxın vaxtlarda konkret adddımlara şahidlik edəcəyik:
"Məsələn, gözləmirsiniz ki, Kəmaləddin Heydərov görəvdən alınar... Amma gözləyin... Çoxları gedəcək..."
Əlavə bilgilərimiz var. Bizi izləməyə davam edin...
Geri qayıt