`Azəriqaz`da rəhbər dəyişdi... vətəndaşa münasibət dəyişmədi...
31-08-2024, 12:58
Bakının Nizami rayonu, Babək prospekti, 71 saylı binanın yanında Heydər
Əliyev Fondunun dəstəyi ilə 1-ci dərəcəli Qarabağ qazisinin istifadəsinə
2008-ci ildə verilən qeyri-yaşayış otağının çöldən “Kombi” sistemi ilə
qızdırılmasına “Azəriqaz” 16 ildir rüşvət tələbi ilə qadağa qoyub. Qaz
xidmətinin Qarabağ qazisini “qazlamağına” baxın, qeyri-yaşayış evinin
çöldən “Kombi” sistemi ilə qızdırılması təhlükə yaradır. Halbuki təhlükəyə
cavabdeh olan Fövqəladə Hallar Nazirliyi “Kombi” cihazlarının binanın
çölündə quraşdırılmalı olmasını bildirib.16 ildir ali dövlət hakimiyyəti
orqanlarından, Heydər Əliyev Fondundan “Azəriqaz”a gələn tapşırıqlara
çeşidli bəhanələrlə əməl edilmir. Özü də qaz xidmətinin işi yalnız qaz
sayğacı quraşdırmaqır, ondan o yana keçmir. Nədən bütün işlər görülüb,
mövcud qaz xətti binanın yanından keçdiyindən, 16 il qabaq xətdən
ventillə qaz götürülməsi üçün , rus terminologiyası ilə desək, “sosok”
qoyulub, bircə sayğac quraşdırmaq qalır ki, evi qızdırmaq mümkün olsun.
Qaz idarəsinin bu özbaşınalıqda rüşvətdən özgə nə marağı ola bilər ki, 16
ildir boynuna düşən görəvdən imtina edir? Xatırladırıq ki, “Azərişıq” anında
iki (!) işıq sayğacı quraşdırıb, “Azərsu” verdiyi texniki şərti məhkəmənin
qərarından sonra beş ildir icra edib, bircə qaz idarəsi erməni kilsələrinə
pulsuz verdiyi qazı Qarabağ qazisinə pulla da vermək istəmir. “Kombi”
sistemi isə qaz olmadan işləmir.
“Azəriqaz” hətta məhkəməyə də təzyiq edib. Bakı İnzibati Məhkəməsinin
hakimi Fərid Mədətli 17.06.2020-ci il tarixli (tərəflərin iştirak etmədiyi)
iclasda qərara alıb ki, 1-ci dərəcəli Qarabağ qazisi-istehlakçının
istifadəsinə SƏNAYE QAZ SAYĞACI verilməlidir. Bilirsiniz, hələ də
rəsmi qaydada verilməyən bu qərarla məhkəmə hakimi nə demək istəyir?
“ Qaz təchizatı haqqında” qanunun 13.9 maddəsində, “Qazdan istifadə
qaydaları haqqında” NK qərarının 4.2 bəndində MƏİŞƏT QAZ
SAYĞACLARInın təchizatının, quraşdırılmasının, dəyişdirilməsinin
QAZ PAYLAYICININ vəsaiti HESABINA, digər istehlakçılar üçün
İSTEHLAKÇILARIN vəsati HESABINA olduğu yazılıb. Yəni istənilən
halda , qaz xidməti xidmətdən imtina edə bilməz, sadəcə, xidmətin kimin
hesabına olması mübahisə predmetidir. Məhkəmə də başqa bəhanə tapa
bilməyib və qərara alıb ki, əlil-istehlakçı SAATDA 10 kub metrdən çox
qaz sərf edən SƏNAYE QAZ QURGUSUNDAN yararlanır !(?) ( Məişət
qaz qurğusu saatda 10 kub metrdən AZ, sənaye qaz qurğusu isə
ÇOX qaz işlədən qurğular sayılır). Özbaşınalığa baxın, guya “Kombi”
saatda 10 kubmetrdən çox qaz işlədir. Hakim Fərid Mədətlinin “Azəriqaz”ın
rüşvətilə “daxili inam” məntiqinə baxın, guya Qarabağ qazisi bir günə ən
azı 240 kub metr, bir aya 7200 kub metr hesabı ilə gündə 48
manatlıq, ayda ən azı 1440 manatlıq qaz işlətməlidir. Belə məhkəmə,
qaz xidməti rüşvətilə qazdan istifadə etmək olar?
Məhkəmə Hüquq Şurasına şikayətlər də sonuc verməyib və bədnam qərar
hələ də verilməyib. Qarabağ qazisi razıdır, qərarı cavabdeh “Azəriqaz” icra
etməli və 1-ci dərəcəli Qarabağ əlilinə SƏNAYE QAZ QURĞUSUNDAN
yararlanan istehlakçı kimi ƏLİLİN HESABINA SƏNAYE SAYĞACI
quraşdırmalıdır. Bəs niyə “Azəriqaz” məhkəmə qərarını icra etmir? Heç
demə, qərar cavabdehə də verilməyib. Bu necə olur, məhkəməyə belə
əndrabadi qərar sifariş edəsən və özünə verilməyə? Bəlkə “Azəriqaz”
utanıb-qızarır, ona görə məhkəmə qərarını gizlədir? Axırı, Nizami qaz
idarəsindən qaziyə zəng edib məhkəmə qərarının verilməsini istəyiblər. (?)
Bəs bu günlərdə Prezident Fərmanı ilə İqtisadiyyat Nazirliyinin yanından
Prezident yanında dövlət agentliyinə çevrilən Antiinhisar və İstehlak
Bazarına Nəzarət Dövlət Xidməti kobud istehlakçı hüququnun pozulmasına
nə deyir? Xidmətin rəis müavini İlqar Həsənovun imzası ilə gələn
cavab istehlakçının hüququnun yox, təbii inhisarçı qaz xidmətinin
rüşvətinin üstünlüyünün qorunmasını üzə çıxarır. Rəis müavini 1-ci dərəcəli
əlil istehsalçıdan “ərazisi planlaşdırılmayan ərazilərdəki tikililərə”
qaz çəkilməsinə görə qoşulma haqqının ödənilməsini, sayğacın
məişət obonentlərinə pulsuz olmasını və s. anlamsızlığı
vurğulayaraq ... məhkəməyə müraciət etməyi məsləhət bilir. Açıq-
aşkar qaz idarəsinin qanunsuz təzyiqi sezilir. Axı Nizami rayonu 50 ilə
yaxındır planlaşdırılıb və 16 ildir qeyri-yaşayış otağı dövlət sifarişi – Heydər
Əliyev Fondunun dəstəyi ilə tikilib. Vurğuladığımız kimi, çöldən “Kombi” ilə
qızdırmaq üçün hər şey hazırdır, bircə qaz sayğacı quraşdırmaq qalır;
məhkəmə də öz sözünü deyib ki, 1-ci dərəcəli əlilə öz hesabına SƏNAYE
QAZ SAYĞACI quraşdırılmalıdır. 50 ildir mövcud qaz şəbəkəsinə qoşulan
xəttə görə qoşulma haqqı ödənməlidir? Bu hansı qanunda yazılıb? Özü də
bu QOŞULMA HAQQI, daha düzü, HOQQASI 2022-ci ildə çıxarılıb, otaq
isə 2008-ci ildə tikilib. Konstitusiyanın 149-cu maddəsinin VII hissəsi
normativ aktın geriyə qüvvəsini qadağan edir. Yalnız şəxslərin vəziyyətini
yaxşılaşdıran aktların geriyə qüvvəsi vardır. Bundan da xəbərsizdirlər
məhkəmələr, dövlətin xidmət qurumları?
Bu günlərdə 1-ci dərəcəli əlilin yaşadığı mənzilə qaz xidmətçisi baxış
keçirib və “tikinti obyektində” ( bəyəm mənzil tikinti obyekti sayılır?- M. B.)
detektor quraşdırılmadığı, tüstü borusunun standarta uyğun olmadığı”
“nöqsanını” bəlirləyib. Nooldu, indiyədək nöqsan yox idi, indi haqqını tələb
edəndə nöqsan tapılır? Tüstü borusunu, qaz xəttini bəyəm istehlakçı çəkib?
Qaz xəttinin standarta uyğun çəkilməməsinin “nöqsanı” əlil-istehlakçının
yox, qaz xidmətinin boynundadır. Bu barədə Xətai məhkəməsinin (h.
Raziya Ataşova) Ədliyyə Nazirliyinin məhkəmə ekspertizasının rəyinə
əsasən qətnaməsini də “Azəriqaz”, Nizami qaz idarəsi 12 ildir icra etmir.
İstehlakçıların hüquqlarının müdafiəsinə təhkim edilən Dövlət Xidməti –
Agentliyi isə inhisarçı xidmət “qohumluğunu” qoruyur, ən yaxşı halda,
məhkəməni nişan verir. Məhkəmə qərarını verib də!
Qarabağ əlilinə, istehlakçıya qaz xətti yox, sayğac gərəkir. Binanın çöldən,
təhlükəsizlikdən yana, “Kombi” ilə qızdırılması üçün. Bu sadə gerçəyi qaz
xidməti, dövlət agentliyi anlaya biləcəkmi? Anlayış haqqı nə qədərdir?
Məğrur Bədəlsoy - Dia-az.İnfo
Geri qayıt