"Wolt"un velosipedçisi "Dihaj"ın anasını vurub
Bu gün, 01:29
"Avroviziya" təmsilçilərimizdən olan Diana Hacıyeva (Dihaj) "Wolt"dan şikayət edib.
Axşam.az xəbər verir ki, bu barədə müğənni sosial şəbəkədə məlumat yayıb. İfaçı "Wolt" şirkətinin velosipedçisinin onun anasını vurduğunu bildirib:
"Dünən "Wolt"un velosiped sürücüsü saat 14:55-də anamı vurub. Velosipedçi səki ilə sürürdü, anam isə işıqforda piyada zolağının üstündə dayanmışdı. Sürücü anamın kürəyinə çırpılıb və o yerə yıxılıb. Anamın başı yerə dəyib. Hətta ayaqqabısı ayağından çıxıb. Velosipedçi onun ayaqqabısını geyindirib, üzr istəyib və gedib. İndi anam axsayır! Bu, iyrəncdir".
Geri qayıt