Rusiya son sutkada 8 ballistik raket vurub
Bu gün, 16:33
Rusiya hava hücumundan müdafiə sistemləri sutka ərzində 8 ballistik raketi vurub.
Bu barədə Rusiya Müdafiə Nazirliyi məlumat yayıb.
"Hava hücumundan müdafiə sistemləri səkkiz ballistik raketi, ABŞ istehsalı olan altı JDAM idarəolunan aviabombasını və 45 təyyarə tipli pilotsuz uçuş aparatını vurub", - məlumatda qeyd edilib.
Qeyd edək ki, Ukrayna qoşunları mütəmadi olaraq müxtəlif üsullarla, o cümlədən PUA-lar, Qərb istehsalı olan raketlər vasitəsilə Rusiya Federasiyasının sərhəd rayonlarını, xüsusən Belqorod, Bryansk, Kursk və Voronej vilayətlərindəki hərbi obyektləri atəşə tutur.
Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
AzVision.az
Geri qayıt