Bayram günlərində işə çağırılan və işləyən işçiləri bir sual maraqlandırır...
Dünən, 09:12
İlin hər Bayram günlərində olduğu kimi yenə də Bayram günlərində işə çağırılan və işləyən işçiləri bir sual maraqlandırır.
Bayram günlərində işə çağırılan və işləyən işçilərin əmək haqqı hansı qaydada və ya məbləğdə ödənilməlidir?
Əmək Məcəlləsinə əsasən, iş günü hesab edilməyən bayram günləri görülən işə görə əmək haqqı aşağıdakı məbləğdə ödənilir:
Əməyin vaxtamuzd ödənilmə sistemində gündəlik tarif maaşının iki mislindən aşağı olmamaqla, əməyin işəmuzd ödənilmə sistemində ikiqat işəmuzd qiymətlərindən aşağı olmamaqla.
İş günü hesab edilməyən bayram günləri işə çağırılmış və işləmiş işçinin arzusu ilə ona əmək haqqı əvəzinə başqa istirahət günü verilə bilər.
Bayram günlərində işə çağırılan və işləyən işçilərin əmək haqqının ödənilməsi AR - nın Əmək Məcəlləsində birbaşa və ya konkret olaraq göstərilməsinə baxmayaraq, düzgün və qanuni olmayaraq praktikada bu ödəmə ilə əlaqədar 2 baxış mövcuddur:
1. Beşgünlük və altıgünlük iş həftəsində, həftədə 40 saat olmaqla normal iş rejimində işləyən işçilərin əmək haqqı AR-nın Əmək Məcəlləsinin tələblərinə uyğun olaraq, nadir hallar istisna olmaqla, ikiqat məbləğdə ödənilir bu sahədə problem yoxdur.
2. Növbə üsulu ilə işləyən işçilər də isə Əmək Məcəlləsinin bu tələbləri bir çox hallarda pozulur və işçilərin əmək haqları birqat məbləğdə ödənilir. Bununla AR - nın Əmək Məcəlləsinin 164-cü maddəsinin tələblərinə əməl edilmir.
Bayram günlərində işçilərin əmək haqqını birqat ödəyənlər belə hesab edirlər ki, işçilər növbə üsulu da işləyırlər, şənbə və bazar günləri kimi istirahət günləri-işçilər üçün adi iş günləri olduğu və bir qat ödənildiyi üçün, bayram günləri də birqat ödənilməlidir Lakin nəzərə almırlar ki, Əmək Məcəlləsində iş rejimindənasılı olmayaraq Bayram günlərinin ikiqat məbləğdə ödənilməsi nəzərdə tutulur. Eyni zamanda AR Əmək Məcəlləsində növbə üsulu ilə işləyən işçilərə bayram günlərində, digər işçilərdən fərqli olan hər hansı bir məhdudiyyət nəzərdə tutulmamışdır.
Göstərilən əsaslardan da, növbə üsulu ilə çalışan, 2024-cü ilin dekabr ayının 31-də və 2025-ci ilin yanvar ayının 1 və 2-də, Bayram günləri işə çağırılan və işləyən işçilərin əmək haqqı iki qat məbləğində ödənilməlidir.
Bayram günlərinin birqat ödənilməsi, Əmək Məcəlləsinin tələblərinin pozulmasıdıt və bu ödənişi düzgün etməyən işəgötürənlər üçün maddi,inzibati və cinayət məsuliyyəti yaradır
Azər Quiyev
Neftçilərin hüquqlarının Müdafiəsi Təşkilatının
Eksperti - "DİA-AZ" (dia-az.link)
Geri qayıt