“Bakı Şampan Şərabları” şirkəti mənfəətdən zərərə keçib
Dünən, 13:58
“Bakı Şampan Şərabları” ASC 2024-cü ili 86 461 min manat zərərlə başa vurub. Halbuki, şirkət 2023-cü ildə 34 019 manat məbləğində xalis mənfəət əldə etmişdi.
Banker.az bu barədə ASC-nin maliyyə hesabatına istinadən xəbər verir.
Ötən il “Bakı Şampan Şərabları”nın sair əməliyyat gəlirləri 313 589 manat, inzibati xərclər 26 480 manat, sair əməliyyat xərcləri 200 648 manat təşkil edib.
Bu il yanvarın 1-nə “Bakı Şampan Şərabları”nın aktivləri 5 milyon 124 min manat olub ki, bu da, 1 il əvvələ nisbətən 0.6% çoxdur.
Hesabat dövründə “Bakı Şampan Şərabları”nın öhdəlikləri 35% artaraq 913 min manata çatıb, balans kapitalı isə 6% azalaraq 4 milyon 211 min manata düşüb.
Xatırladaq ki, “Bakı Şəmpan Şərabları” ASC 2002-ci ildə yaradılıb.
Geri qayıt