Beyləqan sakini keçmiş deputatdan giley edir...
12-03-2019, 08:37
DİA.AZ: - Beyləqan rayonu Əlinəzərli kənd sakini Əliyev Ruhid Məhəmməd oğlu DİA.AZ-a şikayət ərizəsi ünvanlayıb. Narazı vətəndaş yazır:
"Sizə bildirirəm ki, 2014-cü ildən Beyləqan rayonunun sabiq deputatı oliqarx Ayaz Orucov Beyləqan şəhərinin mərkəzində yerləşən bizim ailəyə məxsus olan Azərbaycan Respublikası Əmlak Məsələləri Dövlət Komitəsinin Yanında Daşınmaz Əmlakın Reyestri Xidmətinin 6 saylı Ərazi İdarəsində qeyd 3-15, inventar nömrəsi 15 olmaqla qeydiyyatda olan 0.20 ha torpaq sahəmizi tutduğu vəzifədən sui istifadə edərək zorla əlimizdən alıb, bizə məxsus həmin ərazinin yaxınlığında fırıldaqçılıqla dövlətimizdən oğurladığı təxminən 1 hektara yaxın dövlətə məxsus torpaq sahəsində özü üçün qeyri qanuni inşa etdirdiyi imarətin həyətinə qatmışdır.Deputatın bu qədər sərvət toplayaraq oliqarx olaraq ölkəmiz boyunca at oynatması və bununla bağlı müvafiq hüquq muhafizə orqanlarının heç bir tədbir görməməsi yolverilməzdir.Halbuki onun özü üçün imarət tikdiyi torpaq sahəsinə aid heç bir hüquqi sənədi yoxdur.Bununla bağlı müvafiq orqanlara dəfələrlə şikayət etsəkdə oliqarx Ayaz Orucovu himayə edənlər imkan verməyiblər şikayətimizə baxılıb haqlı qərar verilsin.Ayaz Orucovu Beyləqan Rayon İcra Hakimiyyətində müavin işləyən dostu Qələndərov Məhəmməd himayə edir.Rayon hüquq mühafizə orqanlarına təsir edir imkan vermir ki şikayətizə baxılsın. Biz sizdən ailəmiz adından həm sahibkar kimi xahiş edirik bizim Ayaz Orucov tərəfindən kobudcasına pozulmuş hüquqlarımızın bərpası üçün bizə öz dəstəyinizi, öz köməkliyinizi əsirgəmiyəsiniz. Ümid edirəm dərdimi dinləyib şikayətimi ölkə rəhbərliyinə çatdıracaqsınız .Mənim şəxsi torpağım vəzifə səlahiyyətlərindən sui istifadə edərək zəbt etmiş oliqarx Ayaz Orucov və onu himayə edənlər barəsində cinayət işi açılmalıdır.Ölkəmizin ali qanunlarını saymayan harınlamış bəzi məmurlar barədə ölçü götürülməlidir.Torpaq sahəsinin qanunla bizə məxsus olduğunu təsdiq edən dövlətimiz tərəfindən bizə verilən hüquqi sənədləri sizə təqdim etməyə hazıram".
İddia olunanlarla bağlı dia-az.life olaraq qarşı tərəfi də dinləməyə hazırıq...
Geri qayıt