Xəstə yaxınından həkimə ağır ittiham
21-07-2020, 09:53
DİA.AZ: - Bakı sakini Səbinə Nəzərova sosial şəbəkədə "Ege Hospitalın həkimi ÜlviMirzoyevdən giley edir. DİA.AZ narazı vətəndaşın şikayətini olduğu kimi çatdırır:
"Şikayətim "Ege Hospital"da çalışan Dr.Kardioloq Ülvi Mirzoyevdəndir... Əgər ona həkim demək olarsa... Keçən ayın 24-ü atamı müayinə edib diaqnoz qoydu ki stend qoymaq lazımdır. Təklif etdi ki, anju eləmişəm, əgər yanınızda pul varsa, indi qoyaq, 98% damarları tutulub. Dedi ki, 6 ədəd stend qoymaq lazımdır.
Biz də soruşduq ki, bu qədər stend qoymaq olarmı? Dedi ki, bəli, mən 8 ədəd belə qoyuram... 10.000 AZN ödəyib razılaşdıq. 2 gün sonra buraxdılar... Ayın 4-ü gecə atam özünü bir az pis hiss edirdi.. Təcili tibbi yardım yoxlayıb dedi ki, bu qədər stend qoymaq olmaz. Səhər öz maşınıyla durub atam anamla hekimə gedib. Həkim deyib 1500 AZN ödəyin, gəlin müayinəyə. Yarım saat sonra gətirib sənədləri ki, imzalayın açıq əməliyyat edək.
Anam həkimə deyib ki, göstərin xəstəni sonra. Demək xəstə artıq dünyasını dəyişib və bu özünə həkim adı qoyan məxluq ölmüş insanı əməliyyat etmək istəyirmiş! Biz ondan səbəbini soruşmaq isteyərkən gördük ki həkim artıq yoxdur ortalıqda... Və üstəlik də 200 AZN ödəyib, atamı məscidə göndərib yumağa. Sən kimsən ki, kiminsə meyitini icazəsiz məscidə aparırsan?
Bütün Azerbaycan bu qatili tanisin!"
İddia olunanlarla bağlı qarşı tərəfi də dinləməyə hazırıq...
Geri qayıt