"General mayor Şahmar Paşayev hədələyici tonda danışır..."
24-12-2021, 09:31
Fövqəladə Hallar Nazirliyinin Xüsusi Riskli Xilasetmə Xidmətnin əməkdaşı prezident İlham Əliyevə müraciət edib. DİA.AZ-ın məlumatında deyilir ki, criminal.az-a göndərilən müraciətdə bildirilir ki, əvvəlki müraciətlərindən sonra kirayə və ezamiyyət pullarını vermək əvəzinə onlara hədə-qorxu gəlirlər:
"Hərbi hissəyə çagirib xidmət rəisi, general mayor Şahmar Paşayev hədələyici tonda danışır. Deyirlər ki, mətbuata niyə deyirsiz? Mətbaut sizə pul verəndir? Bizə halal pulumuz vermirlər. Pulun ilin sonunda veriləcəyini vəd edirlər. Bizlər çətin vəziyyətdə kirayədə yaşayırıq. Mağazalarq çoxlu borcumuz var. Boğularaq övladlarımızın üzünə baxa bilmirik. Biz dərdimizi kimə deyək? Rəisimiz Şahmar Paşayevi aylarla görmürük. Çox zaman özünün şəxsi biznesi ilə məşğul olur, göydələnlər tikdirir. Olduqca çıxılmaz vəziyyətdəyik. Şahmar Paşayevin yanında alay komandiri polkovnik Xəlilli Məmməd, qərargah rəisi mayor Seyidəhməd Nurayev də bizi mətbuata şikayət ünvanladığımız üçün hədələyirlər. Hərbi hissədə bizləri toplayıb məlumati paylaşanı müəyyən edəcəkləri və işdən çıxaracaqlar ilə hədələyirlər.
"Biz onu tapıb sındıracağıq, xidmətdən qovacağıq” deyirlər. Polkovnik Mustafa Rəcəbov, kadrlar şöbəsinin rəisi Elxan Həmidov, polkovnik leytenant Çingiz Hüseynov xidmət rəisi kimi bizləri hədələyirlər. Bizə ildə iki dəfə olmaqla geyim verilməlidir. Amma xidmətin təhcizat şöbəsinin rəisi mayor Elyazov Rəşad formaları vermir.
Xidmət rəisinin göstərişi ilə formalar bizə satılır. Etiraz bildirəndə Elyazov bildirir ki, 500 manat maaş alırsız, dövlət sizə maaş verir, gedin formanı alın, mənim üstümə gəlməyin! Deyir göstərişi Şahmar Paşayev verib. Xidmət rəisinə söz deyəni də işdən çıxarır, təqib edirlər. Elyazov Rəşad xidmət rəisinin yaxın adamıdır. Zabit və gizirlərin kirayə qaldığı evlərə zorla soxulmaqdan belə çəkinmir. Bu adamlara dur deyən yoxdu.
Şəxsi heyətə qarşı kobudluq edənlərdən biri də mayor Axudlu Intiqamdır. Şəxsi heyətlə söyüşlə danışır, təhqir edir. Etiraz edəni də aşağılayır. Zabit və gizirləri istirahət günləri belə idarəyə çağırıb zabitə, gizirə yaraşmayan işləri gördürürlər. Bir sözlə xidmət çox bərbad gündədir. Cənab prezident, ümidimuz sizə qalib. Bizim kirayə, ezamiyyət pullarımızı vermirlər. Vəziyyət çox pisdir, dolana bilmirik. Halal haqqımızı ala bilmirik”.
Şikayətçilər problemlərinin həlli üçün fövqalədə hallar naziri Kəmaləddin Heydərovu məhkəməyə verəcəklər.
Geri qayıt