Diaspora Komitəsində Eldar Mahmudov İZİ...
9-03-2022, 09:03
Prezident İlham Əliyevin həyata keçirdiyi kadr islahatları perspektivli gənc kadrların dövlət idarəçiliyinə cəlb edilməsi, onların potensialından səmərəli istifadə olunması üçün geniş imkanlar yaratdı. Bu və ya digər sahələrdə uğur qazanmış gənclər daha yüksək postlara cəlb edilməklə cəmiyyətimizin inkişafına öz əməli töhfələrini vermək üçün böyük şans əldə etmiş oldular. Ötən müddət ərzində bir çox sahələrdə qazanılmış nailiyyətlər, yeni, müasir, kreativ iş metotlarının tətbiqi, korrupsiya və reşvətxorluq hallarının minimuma endirilməsi, vətəndaşların problemlərinə həssas münasibət və onların aradan qaldırılması istiqamətində görülən işlər onu deməyə əsas verir ki, yeni kadrlar onlara göstərilən etimadı doğruldur. Təbii, zaman keçdikcə mütərəqqi kadr siyasətinin müsbət nəticələri daha çox özünü göstərəcək.
Amma çox təəssüf ki, vəzifələrə cəlb olunmuş bütün şəxslər haqqında bu sözləri demək mümkün olmur. Necə deyərlər, “meşə çaqqalsız olmaz”. O insanlar ki, öz karyera inkişafını sabotaj, digər perspektivli insnalara “qəbir qazmaq”, şər və böhtan vasitəsilə rəqiblərini kənarlaşdırmaq üzərində qurublar, onların dövlətimizə və cəmiyyətimizə hər hansı fayda verəcəyini düşünmək, sadəcə sadəlövhlük olardı. Bütün bu deyilənlər nöqtəsinə-vergülünə dəyilmədən cumhuriyyet.az olaraq 2020-ci ilin dekabrında Diasporla iş üzrə Dövlət Komitəsinin sədr müavini vəzifəsinə təyin olunmuş Vaqif Seyidbəyovun “xidmətləri” sırasına yazıla bilər.
Adətən, yüksək vəzifəyə təyin olunan şəxslərin bir “iş baqajı” olur, cəmiyyət və ya ayrı-ayrı təbəqələrdə, qruplar arasında tanınır. İndi internet dövrüdür, hətta ucqarlarda yaşayan, ictimai həyatdan uzaq olan şəxlər barədə belə az-çox məlumat əldə etmək mümkündür. Vaqif Seyidbəyovun bütün baqajı 2011-ci ildə nurçuların xarici ölkələrdə təşkil etdiyi bir-iki tədbirdə iştirak, Diasporla İş üzrə Dövlət Komitəsinin sədr müavini vəzifəaisdnə təyinatı haqqında Prezident sərəncamı və cəmi bir neçə tədbirdə iştirakdan o yana keçmir. 10 ildən artıq dövrdə bu şəxs sanki “KQB-nin” agenti kimi işləyib ki, ardınca iz saxlamasın. Amma…
2001-ci ildə ali təhsilini başa vurduqdan sonra bir müddət gənclər təşkilatları ilə əməkdaşlıq edən Vaqif Seyidbəyov 2006-cı ildə Diasporla İş üzrə Dövlət Komitəsində əmək fəaliyyətinə başlayıb. Bununla bağlı cumhuriyyet.az xəbər verir ki, b ir neçə il sonra PA-nın keçmiş şöbə müdiri Elnur Aslanovun komandası ilə yaxınlaşdıqdan sonra komitənin gənclərlə iş şöbəsinin müdiri vəzifəsinə irəli çəkilib və xarici ölkələrdə keçirilən tədbirlərə cəlb edilib, əsasən də Xaricdə Təhsil Alan və Məzun olmuş Azərbaycanlı Gənclərin Beynəlxalq Forumunun (ASAİF) Avropa ölkələrində təşkil etdiyi forumlarda görünüb.
Nurçularla yaxınlığı karyera inkişafında fürsət kimi dəyərləndirən Vaqif Seyidbəyov 2012 illdə Elnur Aslanovun kurasiyasında olan Prezident yanında Gənclər Fonduna transfer olunub və Fondun layihələr və regionlarla iş sektorunun müdiri vəzifəsində çalışıb. Bununla yanaşı, cumhuriyyet.az-a belə bir məlumat daxil olub ki, onun Gənclər Fonduna keçidi o vaxt milli təhlükəsizlik naziri olan Eldar Mahmudovun mafiyası tərəfindən təşkil edilib. Həmin vaxt iddia olunurdu ki, Fonda ayrılan milyonlarla vəsait, həmçinin dövlətin gənclər siyasəti çərçivəsində Gənclər və İdman Nazirliyi tərəfindən ayrılan böyük məbləğdə pullar müxtəlif ölkələrdə keçirilən tədbirlər adı altında silinir və mənimsənilir. Görünür, ayrı-ayrı vəzifəli şəxslərdən, iş adamlarından xərac alan keçmiş MTN şefi bu sahəni də baxımsız qoymaq istəməyib və öz adamları vasitəsilə Fondda pul axınını nəzarətə götürüb.
Vaqif Seyidbəyovun şəxsi keyfiyyətlərinin Mahmudov mafiyasının Gənclər Fondu ilə bağlı niyyətlərini reallaşdırması üçün əlverişli şərait yaratdığını demək olar. Məlumatın toplanması, özünə sərf etməyən, karyera inkişafına əngəl törədən adamlar haqqında dosyelər hazırlanması və ötürülməsi bu şəxsin əsas işləri sırasında olub. Kim bilir onun əməlləri nəticəsində neçə-neçə istedadlı gənc ləkələnib və fəaliyyətdən kənarlaşdırılıb.
Məhz Mahmudov mafiyası ilə yaxınlığın nəticəsidir ki, 2013-cü ildə Elnur Aslanov vurulduqdan sonra Vaqif Seyidbəyov Gənclər Fondunda fəaliyyətini davam etdirməyə müvəffəq oldu.
2017-ci ildən Xarici İşlər Nazirliyində çalışmağa başlayan Vaqif Seyidbəyov elə həmin il İsveçdə səfirliyin birinci katibi vəzifəsinə təyin olunub. Qeyd edək ki, XİN sistemində çalışan şəxslərin ən böyük arzusu xarici ölkələrdəki səfirliklərimizə təyinat almaqdır. İşçilər illərlə bu təyinatı gözləyir, bu etimada layiq olmaq üçün var gücləri ilə çalışırlar. Amma Vaqif Seyidbəyov XİN-ə işə düzəldikdən dərhal sonra Avropanın ən gözəl ölkələrindən birində məsul posta təyinat alıb. Görəsən diplomatik sahədə hansı təcrübəsinə, xidmətlərinə görə? Axı həmin dövrdə Eldar Mahmudovun mafiyası ifşa olunmuşdu və təbii ki, ona dəstək göstərilməsi imkan xaricində idi.
Deyilənə görə, Vaqif Seyidbəyov XİN-də əsl intriqa ustası kimi tanınıb, ətrafında olan şəxslər haqqında məlumat toplamaq, onları şantaj etmək, rəhbərliyə donoslar ötürmək, bütün bunlar karına gəlmədikdə isə, media vasitəsilə ifşaedici və ləkələyici məlumatlar ictimailəşdirmək kimi üsullardan geniş yararlanmağı bacaran bu şəxsin üç il – 2020-ci ilin ortalarına kimi İsveçdə nə ilə məşğul olduğu da müəmmadır. Düşünmək olar ki, orada da səfirin ayağının altını qazmaqla irəli getməyi planlayıb. Bu mənada, 2020-ci ildə onun tutduğu vəzifədən azad olunması da növbəti müəmma kimi qiymətləndirilə bilər. Ehtimal etmək olar ki, nəhayətdə XİN rəhbərliyi bu “diplomatın” əməlləri haqda xəbər tutaraq onu vəzifədən uzaqlaşdırıb.
Buna görə də 2021-ci ilin noyabrında Vaqif Seyidbəyovun Diasporla İş üzrə Dövlət Komitəsinin sədr müavini kimi yüksək vəzifəyə təyinatını izah etmək çətindir. Artıq iki ilə yaxın yüksək vəzifədə çalışan bu şəxsin fəaliyyəti haqqında heç bir məlumat yoxdur. Yalnız bir neçə tədbirdə iştirak, mənasız çıxışlar barədə bilgilərə rast gəlmək olar. Amma digər cəbhədə Vaqif Seyidbəyovun fəallığı göz çıxarır. Xarici ölkələrdəki diaspor təşkilatlarının rəhbərləri onun davranışları, saymazyana münasibəti, sanki “qul” rəftarını həzm edə bilmirlər. Üstəlik, bildirilir ki, Vaqif Seyidbəyov xarici ölkələrdə diaspor təşkilatlarımızın fəaliyyətinə dəstək əvəzinə onlarla işbirliyi qurmaq, ayrılan pulları bölmək, biznes təşkil etmək işlərində çox fəaldır. İşbirliyinə getməyən fəallarımız isə ciddi təzyiqlə üzləşir, şantaj edilir, gözümçıxdıya salınırlar.
Komitənin daxilində də intriqaların dozası yüksələn xətlə inkişaf edir. Maraqlıdır, Vaqif Seyidbəyovun internetdə şəkilini belə tapmaq mümkün deyil, amma mediada komitə sədri Fuad Muradov haqqında qarayaxma xarakterli məqalələr göz çıxarır. Yaxşı araşdırılsa, şübhə yoxdur ki, bu yazıların altından da Vaqif Seyidbəyov çıxacaq. Çünki bu tipli insanlar heç vaxt dayanmağı bacarmırlar. //cumhuriyyet.net//
Geri qayıt