Naxçıvan Dövlət Arxiv İdarəsinin `zerkalni` tenderi: 11.111.11 MANAT...
2-05-2025, 08:58
Naxçıvan Muxtar Respublikasının Dövlət Arxiv İdarəsi cari ilin aprel ayının 30-da sifarişçi olduğu növbəti satınalmaya yekun vurub.
Qlobal.az xəbər verir ki, "Kondisionerlərin təmiri, kameraların təmiri və çəkilişi" lotu üzrə keçirilən satınalmada "TEXNOSFER" Məhdud Məsuliyyətli Cəmiyyəti qalib elan edilib.
Satınalma müqaviləsinə görə şirkət İdarəyə 11 predmet üzrə xidmət göstərəcək.
Satınalmada ilginc məqam müqavilənin smetası ilə bağlıdır.
Belə ki, Naxçıvan Muxtar Respublikasının Dövlət Arxiv İdarəsi "TEXNOSFER" Məhdud Məsuliyyətli Cəmiyyətinə gördüyü işin müqabilində 11.111.11 AZN ödəyəcək.
Qeyd edək ki, Naxçıvan Muxtar Respublikasının Dövlət Arxiv İdarəsinin sözügedən satınalmasına cavabdeh İdarənin baş mühasibi Rəvan Zeynalovdur.
Naxçıvan Muxtar Respublikası Dövlət Arxiv İdarəsinin rəisi Mehman Məmmədovovdur.
Geri qayıt