FRANSADAN MÜSƏLMANLARA ŞOK ZƏRBƏ
26-11-2012, 11:11
GEYLƏR ÜÇÜN MƏSCİD AÇILIR
DİA.AZ: - Əlcəzair əsilli Muhammed Lyudovik Lütfi Zahid bu ilin noyabr ayının sonunda Fransada geylər üçün məscid açmağa hazırlaşır. Hər halda, islam dünyasına qarşı özünün aqressiv mövqeyi ilə diqqətə gələn Fransanın belə bir addımını növbəti həqarətdən başqa bir şey kimi qəbul etmək olmaz. Çünki müqəddəs islam dinində bu gün «cinsi azlıq» adlandırılanlar aşkar surətdə lənətlənir və rəsmi Parisin onlara belə bir şəraiti yaratması, əslində, islam dininin təhqiri kimi anlaşılır.
DİA.AZ bildirir ki, bu barədə açıqlama verən Zahidin özü bildirib ki, normal məscidlərdə qadınlar üçün yer nəzərdə tutulsa da, geylər üçün belə bir şərait yaradılmayıb: «Mən Həcc ziyarətindən qayıtdıqdan sonra belə bir zərurəti hiss etdim və qərarımı verdim».
Onu da bildirək ki, islam dünyasında böyük hiddətlə qarşılanacaq bu məscidin açılışı 30 noyabr tarixinə nəzərdə tutulub.
Geri qayıt