İNDİ DƏ TƏZƏ MƏSƏLƏ ÇIXDI: "KÜRD SOYQIRIMI"...
17-01-2013, 08:51
İLK ADDIM İNGİLİSLƏRDƏN GƏLDİ
DİA.AZ: - Böyük Britaniya İcmalar Palatasının üzvü Nadim Zahavinin təşəbbüsü ilə Britaniya hökümətinə elektron hökümət onlayn sistemindən istifadə etməklə Şimalı İraqda kürdlərə qarşı törədilmiş genosidin (soyqırım) tanınması üçün müraciət edib. DİA.AZ-ın Femida.az-a istinadən verdiyi xəbərə görə, bu barədə Böyük Britaniya hökümətinin elektron hökümət saytı məlumat yayıb.
Müraciətə 10 000 nəfərdən çox insan qoşulduğundan, Böyük Britaniya İcmalar Palatasının Rəhbərinin ofisi tərəfindən münasibət bildirilib.
Britaniya hökümətinin elektron hökümət saytında yerləşdirdiyi cavabda deyilir ki, İraqda Səddam Hüseyn rejimi altında uzun illər etnik və dini qruplar sistematik olaraq təqib ediliblər. Xüsusilə 1988-ci ildə İraq höküməti İraqın Şimalında təyyarələrdən zəhərli qaz istifadə etməklə minlərlə kürdün ölümünə səbəb olublar.
Amma məktubda həmçinin qeyd olunur ki, hər hansı bir genosid cinayətinin baş verib-verməməsi məsələsi hökümət tərəfindən araşdırılmamalıdır. Qeyd edilib ki, soyqırım (genosid) kimi kompleks hüquqi məsələlər iş üzrə yaradılmış beynəlxalq cinayət instansiyaları tərəfindən araşdırılmalıdır: “Yalnız beynəlxalq məhkəmənin qərarı Britaniya hökümətinin bu və ya digər genosid cinayəti barədə münasibət bildirməsi üçün vacib şərt ola bilər”.
Bu mövqe əslində qondarma “erməni soyqırımı” məsələsini əlində bayraq edən Ermənistan və bu “soyqırımı” tanıyan bəzi ölkələrin parlamentlərinə bir örnək ola bilər.
Geri qayıt