ERMƏNİSTANDA VƏTƏNDAŞ İTAƏTSİZLİYİ
18-02-2013, 10:29
2 NAMİZƏD SƏS VERMƏYƏCƏK
Fevralın 18-də Ermənistandakı prezident seçkilərində prezidentliyə yeddi namizəddən ikisi Arman Məlikyan və aclıq elan etmiş Andrias Qukasyan səsverməyə getməyəcək. Trend-in məlumatına görə, bu barədə "news.am" yazır.
Hələ fevralın 16-da jurnalistlərlə görüşən Andrias Qukasyan bəyan edib ki, fiziki cəhərdən seçki məntəqəsinə getmək iqtidarında olmadığından səs vermək fikrində deyil. Onun sözlərinə görə, seçkilərdən sonra o və tərəfdaşları vətəndaş itaətsizliyi elan edəcəklər.
Arman Məlikyan da səsvermədə iştirak etməyəcəyini bəyan edib. O, öz qərarını seçkilərin legitimliyinə münasibətinin dəyişməməsi ilə əsaslandırıb.
Öz namizədliyini irəli sürmüş, lakin sonradan namizədliyin geri götürmüş Aram Arutyunyan da səsvermədə iştirak etməyəcək. Bu gün o, öz ad gününü qeyd edəcək.
Bazar ertəsi, fevralın 18-də, yerli vaxtla saat 08:00-dan 20:00-dək Ermənistanda prezident seçkiləri keçirilir.
Dövlət başçısı beş il müddətinə seçilir.
Geri qayıt