SUMQAYIT BAZARINDA ŞOK OLAY
11-07-2013, 12:18
BAZARDA ERMƏNİ ƏRİYİ SATILIR
Ərik yeşiyinin içindən erməni dilində olan qəzet çıxdı.
Zaman-zaman Azərbaycan mətbuatında Ermənistanda istehsal olunan malların, yetişdirilən meyvələrin birbaşa və dolayısı yolla Azərbaycan bazarılarında satılması haqda məlumatlar yer alır. Bu yaxınlarda redaksiyamıza məktub göndərən oxucunun da yazdığı bu faktları təsdiqləyir. Sumqayıtın “Şərq bazarı”ndan bazarlıq edən oxucunun bolgexeber.com-a bildirdiyinə görə o çöldə olan bazardan ərik alan zaman maraqlı faktla qarşılaşıb.
Bildiyiniz kimi meyvə-tərəvəz məhsulları çox zaman bazarlara taxta və plastik yeşiklərdə gəlir və məhsul yaxşı vəziyyətdə qalsın deyə onun altına adətən qəzet səhifələri qoyurlar. Aldığı əriklərin yerləşdiyi , üstündə yalnız çəki qeyd olunan plastik yeşiyin içindən erməni dilində olan qəzet çıxması onu çox təəcübləndirib.
Satıcının bildirdiyinə görə hər il meyvə mövsümündə Azərbaycan bazarına çoxlu sayda Ermənistan məhsulu olan ərik meyvəsi çıxarılır. Sadəcə olaraq o bir qayda olaraq Gürcüstan azərbaycanlıları tərəfindən gətirilir. Satıcıların bildirdiyinə görə belə faktlar yetərincədir. Bu məhsulu Gürcüstandan Azərbaycana gətirib topdan qiymətə bizim bazarlara paylayan ticarətçilərdən birinin dediyinə görə bizdə 2-3 manata satılan ərik Ermənistanda dəfələrlə ucuzdur.
Onu da qeyd edək ki,hər cür üsüllarla özlərini dünyada yaxşı tanıtmağa çalışan bədnam qonşularımız bu meyvəni özlərinin brend məhsulu sayır və onu sırf erməni meyvəsi olmasını və ən yaxşı əriyin məhz onlarda yetişməsini bütün dünyaya təbliğ edirlər.
Bu məhsulların Gürcüstanda gürcülərdən, yoxsa ermənilərdən alınmasından aslı olmayaraq onlar böyük təhlükə mənbəyi ola bilər. Çünki ermənilərdən hər bir təxribat gözləmək olar. Bundan başqa düşmən ölkə olan Ermənistanın məhsullarının Azərbaycanda satılması istər-istəməz Ermənistanın İqtisadiyyatının inkişafına xidmət edir. Hər halda maddi maraq, milli maraqlara üstün gəlməməlidir.
Yaddan çıxartmaq lazım deyil ki,belə məhsulları alıb gətirənlər də,onu satanlar da dolayısı ilə düşmən ölkəyə xeyir verərək,onlara dəstək olurlar.
Geri qayıt