68 İL ƏVVƏL AMERİKA BU VƏHŞİLİYİ ETMİŞDİ
6-08-2013, 12:02
ABŞ Hərbi Aviasiyasına məxsus təyyarədən 1945-ci il avqustun 6-da Yaponiyanın Xirosima şəhərinə atom bombası atılıb.
Məlumata görə, o dövr üçün Yaponiyanın ən inkişaf etmiş şəhərlərindən sayılan və ən güclü hərbi bazaların yerləşdiyi Xirosimanın yarısı atom bombasının zərbəsindən tamamilə məhv olub. Nəticədə 70 min nəfər ölüb, 140 min nəfər yaralanıb, 100 mindən artıq insan radiasiya şüalanmasına məruz qalıb. Radiasiyanın sonrakı illərdə də üzə çıxan təsirləri nəticəsində yüz minlərlə insan dünyasını dəyişib.
Xirosima faciəsindən 3 gün sonra – avqustun 9-da ABŞ aviasiyası Yaponiyanın digər şəhəri Naqasakiyə «Fat Man» adlı Plqtonium-239 tipli atom bombası atıb. Partlayış nəticəsində Naqasaki şəhərinin 74 min sakini həlak olub. Şəhər bələdiyyəsinin açıqladığı rəsmi məlumata görə, faciənin baş verdiyi 9 avqust 1945-ci il tarixi və sonradan radiasiyanın təsirindən ölənlərin sayı 143 milyon 124 min nəfərdir.
Qeyd edək ki, hazırda Xirosima və Naqasakiyə atılan atom bombalarından dəfələrlə güclü dağıdıcı gücə malik nüvə silahları Rusiya, ABŞ, Çin, Pakistan, İngiltərə, Şimali Koreya, İsrail və s. ölkələrin arsenalına daxildir. Azərbaycana qonşu və hökumət başında səbatsız insanların olduğu asılı Ermənistanda isə texniki nəzarəti çox zəif, hər an dağılma ehtimalı olan atom elektrik stansiyası mövcuddur.
Geri qayıt