AĞCABƏDİ SAKİNİ İMDAT DİLƏYİR
20-08-2013, 11:11
"3 AYDIR Kİ, MƏNİM EVİM İŞIQSIZ QALIB"
Ağcabədi rayon sakini İbadət Məmmədov polis özbaşınalığı ilə bağlı ölkə rəhbərinə ünvanladığı şikayət məktubunun surətini infom.az-a göndərib. Həmin məktubu olduğu kimi sizlərə təqdim edirik.
Hörmətli cənab Prezident !
Sizin apardığınız xarici və daxili siyasət ölkəmiz Azərbaycanın güclənməsinə, qüdrətlənməsinə və yeni-yeni uğurlar qazanmasına gətirib çıxarıb. Rayonlarımızın yenidən qurulması, şəhərlərimizin daha da abadlaşdırılması üçün bütün gücünüzü və enerjinizi sərf etməkdəsiniz. Bu gün Azərbaycanda həyata keçirdiyiniz islahatlar özünün bəhrəsini verir və hər bir insanın həyatında təsdiqini tapır. Bu uğurlu siyasətinizin davam edəcəyinə cəmiyyətdə hər kəs inanır və insanlarımız əminliklə bildirirlər ki, növbəti seçkilərdə də Sizə səs verməklə yeni-yeni uğurlara imza atmış olacaqlar.
Çox hörmətli Prezident! Bu gün Siz Azərbaycanda dövlət və dövlətçiliyimizin qorunması təmin etmək üçün bütün imkanlardan istifadə edirsiniz. Məhz Sizin sayənizdə vətəndaşların rifahı, yaşayış səviyyələrinin artması və böyük mədəni, elmi tədbirlərin keçirilməsi, habelə xarici siyasətdə əldə etdiyiniz uğurlar bunun əyani misalıdır. Mən əminəm ki, bu siyasətiniz bundan sonra da davam edəcək.
Cənab Prezident !
Sizi mühüm dövlət işlərinizdən ayırmaq istəməsəmdə buna son dərəcədə məcburam. Çünki Ağcabədi rayonunda baş verən polis özbaşınalığı bütün rayon sakinlərini eləcədə bizim ailəni cana yığıb. Belə ki, mən Ağcabədi rayon sakini İbadət Məmmədov Polis Şöbəsinin iki əməkdaşının əlində aciz qalmışam. Bildirirəm ki, Ağcabədi rayon Polis Şöbəsinin təhqiqat şöbəsinin rəisi Elnur və onun köməkçisi Elçin Piriyev bu ilin iyununda evimə çəkilmiş elektrik xətlərinin qopardılması barədə göstəriş veriblər.
Nəzərinizə çatdırıram ki, qonşum Nadir Ələkbərovun idarə etdiyi UAZ markalı maşınla mənim həyətimə gələn sözügedən şəxslər elektrik xətlərini elə həmin maşına qoaşaraq, dartaraq qırıblar. «Həmin vaxt Daxili İşlər Nazirliyinin 102 qaynar xəttinə zəng edərək mürəciət etdim. Müraciətimin ardından Ağcabədi rayon Polis İdarəsinə ərizə və şikayətlə müraciət etdim. Baş vermiş hadisəni araşdırmaq üçün materialı təhqiqat şöbəsinə həvalə etdilər. Mənim ərizəmi polis idarəsinin baş təhqiqatçısı Elnur adlı şəxs və onun köməkçisi Elçin Priyev, cinayət əməlində qonşum Nadir Ələkbərovla əlbir olduqrlarına görə, ört-bastır etdilər.
Artıq 3 aydır ki, mənim evim işıqsız qalıb. Evdə körpə nəvələrim və ailə üzvlərim qorxu içində yaşayırlar. İndiki dövrdə mənim evimin işıqsız qalması hansı qanuna sığar. 3 aydır ki, cinayətkar dəstə üzvləri tərəfindən qırılan işıq xəttləri yerdə qalıb. İşıq dirəyi yerə uzadılmış vəziyyətdədir bununla bağlı əlimdə foto şəkillər var. Mən bu məsələ ilə bağlı polis şöbəsinin rəisinə məlumat vermişəm və qarşılığında rəis mənə deyib ki, qonşun Nadirlə gedin qırın bir-birinizi bizlik deyil. Bir sözlə desək 3 aydır ki, Ağcabədi Polis idarəsinin iki əməkdaşı bizim ailəyə Kərbəla müsubəti yaşadır.
Cənab Prezident !
İnanırıq ki, mənim və ailə üzvlərimin pozulmuş hüquqları Sizin fasitənizləbərpa olunacaq. Çox xahiş edirk ki, bizə köməklik edin işıq xətlərimiz yenidən bərpa olsun, körpə nəvələrim qaranlıq günlərdən aydınlığa çıxsın və müqəssirlər layiqli cəzasını alsınlar.
Bird aha əminliklə bildirirəm ki, mən və yaxınlarım qarşıdan gələn prezident seçkilərində Azərbaycanımızın daha da güclənməsi və qüdrətli olması üçün Sizə səs verəcəyik».
Hörmətlə: İbadət Məmmədov
Geri qayıt