TOVUZDA TORPAQ MAXİNASİYASI
1-10-2013, 09:28
Xatirladaq ki,bir neçə gün bundan öncə Qafqaznews.az –da “Səfərov qardaşlarından şikayət var”adlı,şikayət məktubuna əsaslanan məqalə dərc olunmuşdur. Redaksiyaya daxil olan şikayət məktubunda Tovuz şəhəri, İsmayıl Mürşüdov küçəsi ,ev 21-də yaşayan Xasıyev Niyazi Mahir oğlu bildirirdi ki,həmin ünvanda 4 sot torpaq sahəsi olsa da, onlarla birlikdə orada 5 ailə də yaşayır.
“Ailəmiz həmin ailələrin üçü ilə mehriban münasibətdə olsa da, dördüncü ailə ilə aramızda bəzi problemlər yaşanır.Ola bilsin ki, bu problemlərin səbəbi dördüncü ailənin bizdən fərqli olaraq yüksək çinli məmurların, Səfərov Niyazi Abdulla oğlunun və Səfərov Nizami Abdulla oğlunun ailəsi olmasından irəli gəlir. Nəzərinizə çatdırım ki,bu məmur qardaşlar öz vəzifə səlahiyyətlərindən istifadə edərək,bizdən xəbərsiz, 32 ildir beş ailənin yaşadığı 4 sot torpaq sahəsini, gizlin şəkildə özəlləşdiriblər. Qeyd edim ki,Səfərov qardaşlarından biri İqtisadi İnkişaf nazirinin müavini ,digəri isə Milli Məclis Aparatının İnzibati və hərbi qanunvericilik şöbəsinin müdiri vəzifəsində çalışır. Onlar öz məmur vəzifələrindən istifadə edərək Tovuz rayonundakı yerli məmurlara təyziq göstərərək, 4 sot torpaqla bağlı məhkəmənin onların xeyrinə qərar çıxarmasına nail olublar”,-məktubda bildirilirdi.
Məsələ ilə bağlı şikayətçi həmçinin onu da bildirmişdi ki, bütün proseslərə aid lazımı sənədləri və ətraflı məlumatı, onun vəkili yaxın zamanlarda redaksiyamızın elektron poçt ünvanına göndərəcəkdir.Bu gün Niyazi Xasıyev tərəfindən artıq redaksiyamıza daxil olan yeni məktubu oxuculara təqdim edirik:
“Yazıb sizə bildirirəm ki, mən Xasıyev Niyazi Mahir oğlu 1981-ci ildən Tovuz şəhəri İ.Mürşüdov küç,ev 21-də yaşayıram və orada qeydiyyatdayam. Həmin ünvan kommunal yaşayış sahəsi olmaqla 5 mənzildən ibarətdir. Həmin məznillərə giriş-çıxış birdir və bu gün də 5 mənzildən 4-ü özəlləşsə də yenə giriş-çıxış birdir. Həmin məznillərin həyətləri də ümumidir.
Buna baxmayaraq Tovuz rayon XDS İcraiyyə Komitəsinin 16 sentyabr 1971-ci il tarixli qərarına əsasən Tovuz şəhər ,İ. Mürşüdov küç ,21 ünvanında 5 mənzildən 1-də yaşayan Səfərova Qızxanım Müseyib qızına 0,04 ha məhləyanı torpaq sahəsinin ayrılması təsdiq edilmişdir. Hansı ki, həmin dövürdə və eləcə də indi komunal şəraitli mənzillərin ümumi istifadə yerləri ayrıldıqda heç kim tərəfindən mülkiyyətə alına bilməz.
Bundan sonra heç bir qanuni əsas olmadan Kommunal mənzilLərin sakinlərinin ( kirayəçilərin və mülkiyyətçilərin) ümumi istifadəsində olan torpaq sahəsində 0, 04 ha hissəsinə Tovuz rayon torpaq şöbəsinin mütəxəssiləri JN 5000 H kod 50301004 saylı şəhadətnamə verir. Həmin şahadətnamə əsasında Səfərova Qızxanım Müseyb qızı mülkiyyət hüququ əldə etdiyi həmin 0, 04 ha torpaq sahəsini Səfərov Nizami Əbdulla oğluna bağışlayır.
Səfərov Nizami Əbdulla oğlu daha heç bir maneə olmadan ona bağışlanan 0,04 ha torpaq sahəsini DƏDRX-nın Tovuz Ərzai İdarəsində qeydiyyatdan keçirdir və orada nədənsə 0, 04 ha torpaq sahəsi dönüb olur 0,034 ha.
Nəzərinizə çatdırıram ki, mübahisə olunan torpaq sahəsində kommunal mənzillərinin sakinlərinin istifadə etdiyi hamam və tualet binası vardır. Binalardan biri 30 ildən əvvəl, digəri isə təxminən 5 ildə yaxındır ki, inşa olunub.
“ Azərbaycan Respubilkası Mənzil Fondunun özəlləşdirilməsi haqda” Qanunun 5- ci maddəsində göstərilir ki, biri digərindən təcrid olunmamış məhdud kommunal şəraitli mənzillər özəlləşdirilərkən, həmin mənzillərdəki ümumi istifadə yerləri mülkiyyətçilərin ümumi mülkiyyətinə verilir. Belə olan halda Səfərov Nizami Əbdulla oğlunun ümumi istifadə də olan tualet, hamam binasını sökdürmək istəyi əsassız və qanuna ziddir. Bəlkə göstərilən yer heç ora deyil. Çünki yerin təhkim aktı olmamışdır.
Hesab edirəm ki, 16 sentyabr 1971-ci ildə 16 saylı qərarla qəbul edilmiş inzibati akt etibarsız hesab edilməlidir. Çünki işə əlavə edilmiş 20 avqust 1986-ci il tarixli Tovuz şəhəri İ. Mürşüdov küçəsi 21 saylı ünvanın texniki pasportunda görünür ki, mübahisə predmeti olan sahə kommunal yaşayışçıların ümumi istifadəsində olan həyətin torpaq hissəsində yerləşir və indi də ümumi istifadədədir.
Bununla əlaqədar 6 dəfə müxtəlif məhkəmə instansiyalarında həmin mülkü işə baxılmış və hər dəfə Səfərov Nizami Abdulla oğlunun xeyrinə qərar qəbul olunmuşdur. Hesab edirəm ki, bu cür qərarların qəbul olunmasına yeganə səbəb Səfərəov Nizami Abdulla oğlunun yüksək rütbəli dövlət məmuru olması və bugünkü hörmətli mövqeyidir. Digər tərəfdən də fikirləşirəm ki, bəlkə heç Nizami Səfərovun bundan xəbəri yoxdur,məsələni ona nümayəndəsi başqa məzmunda çatdırır .
Yoxsa inana bilmirəm ki, Nizami Səfərov kommunal ailələrin istifadə etdiyi hamam, tualet binasını sökdürmək qərarına gəlsin. Bir də onu nəzərinizə çatdırıram ki, mən özüm də bu mübahisəli məsələyə son verilməsini çox istəyir və necə deyərlər yaşadığım binanı Səfərov Nizamiyə dəyər-dəyməzinə satmaq istəyirəm. Onsuz da Səfərovun mənzili ilə mənim yaşadığım mənzilin giriş qapısı birdir. Dəhlizin bir tərəfi mənə ,digər tərəfi isə Səfərov Nizamiyə aiddir. Məncə bu ən düzgün və hər iki tərəfi qane edən variantdır”.
Qarşı tərəfin də mövqeyini öyrənməyə hazırıq.
Geri qayıt