NURÇULAR MƏMURLARA AYLIQ HAQQ ÖDƏYİR
11-10-2011, 14:52
RUSİYADA QADAĞAN OLUNMUŞ TƏRİQƏT AZƏRBAYCANDA AT OYNADIR
DİA.AZ: - Keçən günlərdə açıqladığımız faktlarla sübuta yetirmişdik ki, əslində Azərbaycanda müxtəlif təriqətlərin gələcəyə hesablanmış təhlükə mənbəyi, gələcəkdə partlaması nəzərdə tutulan basdırılmış minalar olduğu hər kəsə məlumdur. Hətta bildirmişdik ki, bu barədə dövlətin başında oturan mübarək simalarmıza da məlumatlıdır. Amma buna baxmayaraq, vətənimiz müstəqil olandan bəri ayrı-ayrı dini cərəyanların rahat-rahat hərəkət edə bildiyi bir poliqonu xatırladır.
Təbii ki, bunun başlıca günahkarı və səbəbkarı məhz mövcud iqtidardır. Məhz YAP hakimiyyəti dönəmində Azərbaycanda onlarla təhlükəli təriqət özünə yer tapıb, möhkəmlənib, formalaşıb və bügünkü təhlükə həddinə qədər böyük bir yol keçib.
Hansını misal çəkək: vəhabilərimi, nurçularımı, krişnaidlərimi, «Yehova şahidləri»nimi, baptistlərimi, «Birlik» kilsəsinə tapınanlarımı?... Bir sözlə, Azərbaycanda bu gün olmayan dini inanc növü qalmayıb. Müxtəlif şirnikləndirici təkliflər və pul qarşılığında özlərinə tərəfdaş toplamağa müəssər olan bu kimi dini cərəyanların yeganə silahı vətəndaşlarımızın maddi sosial rifah halının olduqca aşağı olmasıdır.
Yəni onlar insanlarımızın problemlərindən istifadə edərək öz şəbəkələrini günü gündən genişləndirirlər. Bu istiqamətdə dəfələrlə həyəcan təbilinin çalınması da yetərsizdir. Hətta dövlətin ayrıca cavabdeh strukturu olan Dini Qurumlarla iş üzrə Dövlət Komitəsənin dəfələrlə təriqətlərin təhlükə həddinə çatması barədə xəbərdarlıqları da yetərsiz qalır. Bu isə təbii ki, bir TƏBİİ PROSESDİR. Yəni belə də olmalıdır. Çünki Azərbaycandakı təriqətlərinin hər birinin arxalandığı konkret çevrələr, konkret qüvvələr var ki, bu güclər də məhz hakimiyyətin ayrı-ayrı qollarıdır.
Redaksiyamıza açıqlanan faktlarda isə Azərbaycanda az qala 20 ildir ki, fəaliyyət göstərən və açıq-aşkar təhlükə mənbəyi hesab olunan nurçuların iqtidar içindəki haimləri ilə bağlı ilginc məlumatlar yer alıb.
Bildirək ki, redaksiyamızı məlumatlandıran şəxs bir zamanlar nurçularla sıx təmasda olub və hətta onların ən etibarlı fiqurlarından biri kimi qələmə verilib. Lakin son altı ay ərzində nurçuların əsl mahiyyətindən xəbər tutan həmsöhbətimiz bizə çox dəhşətli faktları açıqladı:
«Azərbaycanda nurçular artıq iki nəsil yetişdiriblər. Bu vətəndaşlarımız Azərbaycan üçün itirilmiş hesab oluna bilər. Çünki onlar nurçular tərəfindən zombiləşdirildiyindən həmin vətəndaşlarımızın Azərbaycana hansısa formada fayda verə biləcəyini güman belə etmək olmaz».
Həmsöhbətimizin əsas vurğuladığı məqam isə Azərbaycanda böyük biznes şəbəkəsinə malik olan və arxalarında böyük siyasi güc olan nurçuların hamiləri ilə bağlı oldu: «Azərbaycanda nurçuların arxasında əsas üç fiqur dayanıb. Onlardan ən əsası Prezident Administrasiyasının rəhbəri Əli Həsənovdur. İkinci əsas adamları baş nazirin müavini, tanınmış yazıçı Elçin Əfəndiyevdir. Üçüncü adamları isə təbii ki, təhsil naziri Misir Mərdanovdur».
Azərbaycanın «yerli qaydalarına» hər zaman riayət edən nurçuların həmin məmurlara çox ciddi pullar qazandırdığını bildirən həmsöhbətimiz onu da bildirdi ki, məhz həmin üç şəxsin hesabına nurçulara «gözün üstündə qaşın var» deyən yoxdur: «Nurçular üçün hər yerdə yaşıl işıqdır. Təsəvvür edin, bir təriqət Azərbaycanda hətta telekanala da sahibdir. Doğrudur, burada Türkiyənin özündə də nurçuların iqtidarda olması önəmli rol oynayıb. Amma istənilən halda bu gün «XəzərTV» kimi telekanalın mövcudluğu Azərbaycanın dövlət müstəqilliyini şübhəyə alan bir faktordur».
Onu da qeyd edək ki, həmsöhbətimiz nurçuların Azərbaycandakı əsas dayaqları ilə bağlı olduqca ilginc faktları redaksiyamıza təqdim edib.
Mənbənin bildirdiyinə görə, baş nazirin müavini Elçin Əfəndiyev, PA-nın şöbə üdiri Əli Həsənov və təhsil naziri Misir Mərdanov bu gün nurçulardan aylıq haqq alırlar: «Onlara hər ay koknert məbləğdə vəsait təqdim olunur. Bu barədə dövlətin müvafiq qurumları qısa müddət içində dəqiq bilgi əldə edə bilər».
Mənbənin sözlərinə görə, nurçular bu vəsaiti hakimiyyət içində lobbiçiliklərinin aparılması məqədilə verirlər: «Əslində bu normal bir haldır. Məsələn, dünyanın hər yerində, hətta ABŞ-da da ayrı-ayrı bu kimi təşkilatlar öz lobbiçiliklərinin yürüdülməsi naminə pul xərcləyir, ayrı-ayrı dövlət adamlarını, deputatları ələ alırlar».
Məlumatlara görə, Elçin Əfəndiyevin başlıca missiyası mədəniyyət sahəsində nurçulara dəstək verməkdən ibarətdir: «Elçin Əfəndiyevin sayəsində bu gün onlar mənədiyyət aləmində əməlli-başlı gücə çevriliblər. Digər istiqamətdə, siyasi baxımdan isə onlara Əli Həsənov arxa durub. Misir Mərdanovun isə hansı səviyyədə nurçulara dəstək verdiyini izahlamağa ehtiyac yoxdur. Hər halda, ay başında çatan haqq öz rolunu oynayıb. Bu gün Azərbaycanın əksər elmli adamları nurçuların süzgəcindən keçib».
Nurçularla bağlı iginc faktlarını açıqlayan mənbəmiz onu da vurğuladı ki, digər təriqətlərin təqib edildiyi halda nurçuların Azərbaycanda azad şəkildə fəaliyyət göstərməsi əslində lobbiçiliklərini düzgün qura bilmələrinin nəticəsidir: «Özbəkistanda, Rusiyada bu təriqət tamamən qadağan edilib. Amma Azərbaycanda günü-gündən çiçəklənir və genişlənirlər. Hər halda, bu onların lobbilərinin fəaliyyətinin təzahürü kimi qəbul edilməlidir».
Araşdırmalarımız davam edir…
Geri qayıt