İSGƏNDƏR HƏMİDOVUN QƏHRƏMANLIĞI…
30-04-2012, 11:31
GƏRƏK İSGƏNDƏR BƏY ZAMANINDA TOYUQ CİLDINDƏ OLANLARIN BAŞINI KƏSƏYDİ!
Xatırlayırsınızsa, belə bir yazarımız da var: Əlisa Nicat. Əslində Əlisa bəyə zamanında çox hörmətlə yanaşmışam və yazılarını diqqətlə izləmişəm. Bir milli ruh olub vaxtilə… ən azından Azərbaycan sevgisi olub bu adamda. Açığı son zamanlar heç təqib etmidrim. Deyəsən, son zamanlar «Sonanın uşaqlarına» qoşulub, əgər belə olmasaydı son yazısında «ə, türk və ya Boz Qurd olub axı neylədiniz» ifadəsini özünə yaraşdırmazdı.
Yaraşdırırsa, demək, artıq iş işdən keçib. Əlisa Nicatı da sellər aparıb saldı kimlərinsə qoynuna. Olsun, ahıl yaşında ondan toyuq başı kəsməsini - özünün qəhrəmanlığa tay tutduğu bir işi gözləyəs deyilik ki?
Hə, əziz oxucular. Biri var idi, biri yox idi… bir Əlisa Nicat var idi. Onun bir gün yadına düşür ki, bəs İsgəndər Həmidovu hamı hədəfə alıb, hamı keçmiş nazirin ünvanını topa tutub, hamı onun taxta qapısını döyəcləyir… Adamdır də, çiy süd əmib. Gec də olsa çiy süd öz təsirini göstərib. Deyib ki, ən asanı elə budur. Mən də döyəcləyim. İndi İsgəndər Həmidovun qarasınca danışmaq hətta toyuq kəsməkdən də ucuz başa gələn bir qəhrəmanlıqdır. Görünür, ahıl yaşlarında Əlisa Nicatın könlünə qəhrəmanlıq düşüb, yoxsa «İsgəndər Həmidovun «qəhrəmanlığı» - Bir toyuq başı belə, kəsməyən adam özünü necə qəhrəman hesab edə bilər?» başlıqlı-yarımbaşlıqlı yazısını yazmaz və yaxud da belə bir hazır yazının altına imzasını basmazdı.
Əslində həmin yazını oxuyanda məsələnin heç də İsgəndər Həmidovla bağlı olmadığının tam fərqinə vardım. Çünki əgər Əlisa Nicat İsgəndər Həmidova «ə» deyərək müraciət edirsə, «Türk», «Boz Qurd» kəlmələrini kiçik hərflərlə yazırsa və bununla sanki uzun illərin həsrətində, təşnəsində olduğu bir işi gördüyünü zənn edərək bir rahat nəfəs alırsa, deməli, iş tamam başqadır. Əlisa Nicat İsgəndər Həmidovu «vurmaqla» əslində Azərbaycan Türkü adına olan içindəki xıltını, xəbisliyini nifrinini ortaya qoymuş oldu. Bərəkallah, bunca müddət boyunca bu gün baş hərflərini kiçik işarə ilə qeyd etdiklərinə nökərçilik etdin, bir iş çıxara bilmədin, indi əksini söyləməkləmi nəyəsə nail olmaq istəyirsən? Ə?!
Deyirsən ki, İsgəndər Həmidov bir toyuq başı belə kəsməyib və buna görə də bu adamdan qəhrəman ola bilməz. Tamm. Tutalım sən düz deyirsən. Bəs o zaman nədən İsgəndər Həmidov nazir olanda hamınız toyuca dönüb onun süfrəsinin qırıntılarını dənləyirdiniz? Arxayın idiniz ki, başınızı kəsə bilməz… Hə də, İsgəndər bəy toyuqlara qıymır, amma çoxunu toyuca döndərmişdi.
Cənablar, misterlər, bir daha xatırladıram, bu gün İsgəndər Həmidovun qarasınca deyinmək, onun haqqında ağzına gələni danışmaq çox asan bir işdir. İndi sual edirəm, bunun eynisini hazırda İsgəndər Həmidovun yerində dayanan adamlarla bağlı təkrarlaya bilərsənmi? Bu gün hansı nazirə «ə» deyə müraciət edə bilərsən? İmnaszıdır… Amma İsgəndər Həmidov - sənin bəyənmədiyin İsgəndər Həmidov və o dönəmin prezidenti olmuş mərhum Əbülfəz Elçibəy sənə və sənin kimilərə o qədər azadlıq haqqı tanımışdı ki, indinin özündə belə nə etdiyinin fərqinə vara bilmirsən. Deməli, elə sənin kimiləri «ə», «əşi» yerinə qoymaq lazım imiş, adam bilib qucaqlamaq yox…
Deyirsən ki, İsgəndər Həmidov bir düşməni belə məhv etməyib. Daha bu qədər kor-koranəlik ola bilməz axı… Ən azından İsgəndər Həmidovun Astarada, Yevlaxda, Mingəçevirdə və başqa bölgələrdə məhz Azərbaycana, Azərbaycan dövlətinə qarşı quldurluq edən mafiyalara qarşı apardığı mübarizəni unutmaq olmaz. Hansı yaxşıdır: bu gün mafiyanın ölkəni idarə etməsimi, yoxsa mafiyanın layiq olduğu qəfəsə salınmasımı?
Deyirsən ki, İsgəndər Həmidov toyuq başı belə kəsməyib. Ona görəmi düşmən Ermənistanda İsgəndər Həmidovun, onun qardaşı, Tərtər rayonuna başçılıq etmiş Sərdar Həmidovun başına pul qoyulub, onların Ermənistan dövləti tərəfindən rəsmən qətllərinə fərman verilib? Bir erməninin belə burnunu qanatmayanla bağlı Ermənistan bu şəkildə fərmanmı verərdi?
Deyirsən ki, İsgəndər Həmidov toyuq başı belə kəsməyib. Mən də razı. Gərək kəsəydi. Əgər kəssəydi, bu gün kimlərsə toyuq kimi bu böyük Türk oğlunun əl-ayağına olaşmağı belə ağlının ucundan keçirməydi…
Məhəmməd ƏRSOY
Geri qayıt