KƏMALƏDDİN HEYDƏROV HADİSƏ YERİNƏ GETDİ
7-05-2012, 12:11
FHN ŞEFİ ZAQATALADA
Bu gün fövqəladə hallar naziri, general-polkovnik Kəmaləddin Heydərov zəlzələ baş verən rayonlara gedib.
FHN-dən SalamNews-a verilən xəbərə görə, nazirliyin aviasiya dəstəsi və digər qəza-xilasetmə qüvvələri hadisə zonasına cəlb olunub.
Nazirlikdən bildirilib ki, bu gün Bakı vaxtı ilə saat 09:40-da Azərbaycan Milli Elmlər Akademiyası Respublika Seysmoloji Xidmət Mərkəzinin yaydığı məlumata görə, Zaqatala rayonunundan 17 km cənub-qərbdə zəlzələ qeydə alınıb. Yeraltı təkanların gücü episentrdə 7 bal olub. Yeraltı təkanlar Zaqatala, Balakən, Şəki, Qax, Oğuz, Mingəçevir, Gədəbəy və Şəmkirdə hiss olunub. İlkin məlumat əsasən, bəzi tikililərdə çatlar əmələ gəlib. Tələfat və xəsarət alanlar barədə məlumat yoxdur.
Geri qayıt