CƏMİ 2 MANATA TƏKLİF
24-05-2012, 14:41
BAKCELL YENƏ DƏ ABUNƏÇİLƏRİNƏ JEST ETDİ
Azərbaycanda Sür@ ticarət nişanı adı altında abunəçilərinə 3G mobil internet xidməti göstərən Bakcell şirkəti yeni kampaniyasını elan edib.
İndi Nokia 100, C1-01, C2-01 və 300 modellərindən birini eksklüziv qiymətə pulsuz CİN nömrə ilə birgə əldə edən müştərilər xüsusi aylıq bonuslardan yararlanacaqlar.
Şirkətdən “Qafqazinfo”ya verilən məlumata görə, bu kampaniyanın eksklüzivliyi ondan ibarətdir ki, qeyd olunan Nokia telefonlarından birini alan müştəri telefona xərclədiyi pulunu 12 ay ərzində geri ala bilər. Aylıq bonusları əldə etmək üçün balansa hər ay sadəcə 2 AZN yükləmək kifayətdir. Bundan əlavə, müştərilərimiz telefon üçün eksklüziv və xüsusi qiymətlə yanaşı pulsuz SİM kart əldə edəcəklər.
Təklif may ayının 23-dən başlayaraq Bakcell-in istənilən diler dükanı və ya Satış nöqtəsindən kampaniyada iştirak edən telefonlardan birini əldə etmiş müştərilər üçün qüvvədədir.
Bakcell-in şəbəkəsi ölkə əhalisinin 99%, ölkə ərazisinin 92%-ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan şirkət, Sür@ xidməti və yeni tərəfdaşlıqları vasitəsilə Azərbaycan əhalisini ən yüksək səviyyəli mobil internet xidmətləri ilə təmin edir. 257 pərakəndə satış nöqtəsi və həftənin 7 günü, günün 24 saatı fəaliyyət göstərən 7 Müştəri Xidmətləri Mərkəzində istifadəçilərə ən üstün müştəri təcrübəsi təklif olunur.
Geri qayıt